Археологлар Гватемаланинг шимолида тахминан 3000 йил аввал мавжуд бўлган майя шаҳри харобаларини аниқлади. Сақланиб қолган пирамидалар ва ёдгорликлар бу ҳудуд майяликлар учун муҳим маросим маркази бўлганидан дарак беради. Бу ҳақда The Guardian хабар берди.
Мутахассислар таъкидлашича, топилмалар Лос Абуэлос деб аталувчи қадимий шаҳардан топилган. Ҳудуд маросимлар учун марказий аҳамиятга эга бўлганини кўрсатади. Майя цивилизацияси милоддан аввалги 2000 йилда пайдо бўлган ва милодий 400–900 йилларда ҳозирги Мексика, Гватемала жануби, шунингдек Белиз, Салвадор ҳамда Гондураснинг айрим ҳудудларида ривожланган.
Лос Абуэлос испан тилидан таржима қилинганда “бувилар ва боболар” деган маънони англатади. У Гватемаланинг Петен шаҳридаги муҳим археологик ёдгорлик ҳисобланган Уашактундан, тахминан, 21 километр узоқликда жойлашган. Шаҳар ўз номини ушбу жойдан топилган иккита одамга ўхшаш “аждодлар жуфтлиги” ҳайкалидан олган.
Милоддан аввалги 500–300 йилларга оид деб тахмин қилинаётган ушбу ҳайкаллар аждодларга сиғиниш маросимлари билан боғлиқ бўлиши мумкин. Шаҳар тахминан 16 квадрат километр майдонни эгаллаган. Уашактун миллий боғи таркибидаги илгари кам ўрганилган ҳудудлардан бирида жойлашган.
Гватемала ва Словакия археологлари бу ерда классик давргача бўлган давр фрескалари ва “ноёб каналлар тизими” бўлган 33 метр баландликдаги пирамидани ҳам топган.
Изоҳ (0)