Теҳрондаги Имом Ҳумайний касалхонасида ярадорлар оқими Эрон-Исроил ўртасида уруш бошланганидан бери тўхтагани йўқ. 15 июнь куни шифохоналар жабрланганлар билан тўлиб кетди. Шошилинч ёрдам бўлимлари қийин аҳволга тушиб қолган. Улар шаҳардаги ҳолатни “қонли қирғин” деб таърифлади.
“Бу қонли қирғин эди. Бинони тўс-тўполон, оила аъзоларнинг дод-фарёди босиб кетди. Ҳаёт учун хавфли бўлган ўнлаб жароҳат олганлар ва ҳатто жасадлар олиб келинди”, деди шифохонанинг тез ёрдам бўлими шифокори.
Исроил ва Эрон ўртасидаги жангларнинг бешинчи кун давом этар экан, Эрон шифохоналари ярадор ва ҳолдан тойган ходимлар билан тўлиб-тошган. Тиббиёт ходимлари қонли тартибсизлик ва ярадорлар оқимини назорат қилишга қийналмоқда.
“Мен болалар, ўсмирлар, катталар ва қарияларни ҳам кўрдим. Оналар қон йўқотаётган болаларини олиб келади. Баъзида ота-оналарнинг ўзлари ҳам жароҳатланганини кейинроқ билиб қолади”, деди бир шифокор.
Муассасаларга сон суяклари ва чаноқ-сон бўғимларининг юмшоқ тўқималарига металл кириб кетиши, ички қон кетиши ва оғир куйишлар каби ҳолатлар билан ҳам мурожаат қилинган. Исроил шаҳарга бомба ташлаганда аҳолини снаряд парчаларидан оғир жароҳатлаган.
Эрон ҳукумати 16 июнь куни 1277 киши касалхонага ётқизилганини маълум қилган, улардан 224 нафари вафот этган. Эрон соғлиқни сақлаш вазирлиги вакили Ҳусайн Керманпурнинг айтишича, қурбонларнинг 90 фоиздан ортиғи тинч аҳоли вакиллари ташкил этади. Шифокорлардан бирининг таъкидлашича, ҳақиқий кўрилган зарар аслида кўпроқ. Ҳумайний шифохонасида реанимация бўлимига кўпроқ ўринлар ажратилган, енгил жароҳат олган беморлар эса бошқа клиникаларга ўтказилгани маълум қилинган.
Реанимация бўлими ходимларига ярадорлар ва ҳалок бўлганлар сони ҳақида ҳеч қандай маълумотни ижтимоий тармоқларга жойлаштирмаслик буюрилган. Бу рота бўлим бошлиқлари томонидан назоратга олинган. Теҳронлик журналистнинг айтишича, расмийлар ҳалок бўлган ва ярадорлар сони ҳақида маълумот бериш ҳақидаги сўровларни рад этган.
Изоҳ (0)