Хитой маъмурлари фонд бозорини қўллаб-қувватлаш учун кейинги уч ой мобайнида 1,5 триллион юань (236 миллиард доллар) сарфлади. Август ойининг ўзида акциялар бозоридаги инқирозни тўхтатишга 600 миллиард юань харажат қилинган. Бу ҳақда Goldman Sachs Group Inc таҳлилчилари тахминига таяниб, «Interfax.ru» хабар бермоқда.
Шунингдек, China Securities Finance давлат компаниясига фонд бозоридаги акцияларни сотиб олиши учун 400 миллиард доллар ажратилди, йирик акциядорларга компаниялардаги улушларини сотиш тақиқланди, давлат компанияларига эса бозордан акциялар харид қилиш юзасидан кўрсатма берилди.
Эслатиб ўтамиз, Хитой бозоридаги таназзул ва юаннинг қадрсизланиши бутун дунёдаги фонд бозорларида кескин пасайишга сабаб бўлди.