Кўпчилик инсонлар пойабзалини кир ювиш машинасида қандай ювишни билмайди — тўғриси, бунга журъат ҳам эта олмайди. “Таги ажраб кетмайдими?”, “Шакли бузилиб қолмайдими”? деган саволлар кўпчиликни қийнайди. Аслида эса айрим оёқ кийимларни тўғри ёндашув билан бемалол ювса бўлади — нафақат тоза, балки янгидек бўлиб чиқади. Ушбу мақолада қайси пойабзалларни ювиш мумкин, қайсиларига асло тегмаслик кераклиги, тайёрлаш, ювиш ва қуритиш босқичлари ҳақида билиб оласиз.
Аввало, бундай ювиш пойабзалга зарар етказмаслига ишонч ҳосил қилиш керак. Ички ёрлиқ ёки қутидаги кўрсатмаларга қаранг. Агар ҳеч қандай кўрсатма бўлмаса, умумий тавсияларга амал қилишингиз мумкин.
Кир ювиш машинасида ювишга мос пойабзал: матодан тайёрланган спорт кроссовкалар ва кеталар, матоли шиппаклар ва резинали сланслар. Шунингдек, мембрана, полестер ва нейлон материалларидан тайёрланган пойабзал ҳам ювишга мос.
Ювишга ярамайди: табиий ва сунъий чарм, ёпиштирилган таглиги бор пойабзал (ювилганда таглиги қопқоқдан ажралиб кетиши мумкин). Шунингдек, замшдан ясалган пойабзал, жун ёки велюр матодан тайёрланган уй тапочкалари ҳам ювилмайди. Лакланган этиклар, туфли ва ботинкалар ҳам кир ювиш машинасида ювишга ярамайди, шунингдек, металл безаклари катта бўлган пойабзаллар ҳам. Ушбу турдаги пойабзал машинада айланиб, кўринишини йўқотади ва кийиш учун яроқсиз бўлиб қолади.
Пойабзални ювишдан олдин нималарга эътибор бериш керак?
Агар пойабзалингизни ювишга ишончингиз комил бўлса, уни яхшилаб тайёрланг, шунда у чиройли кўринишини сақлаб қолади.
Тагини қум ва тошлардан тозаланг. Бунинг учун совунли чўтка билан ювиш етарли.
Агар доғлар бўлса, уларнинг устига доғ тозаловчи суртинг. 10-15 дақиқа ёки кўрсатмалардаги вақтгача қолдиринг. Кейин кир ювиш машинаси уни ўз-ўзидан ювиб юборади, қўлда ювиш шарт эмас.
Ип ва барча безакларни олиб ташланг. Уларни алоҳида сумкада ювиш маъқул — шунда улар шаклини йўқотмайди.
Пойабзал боғичларини боғлаб қўйинг. Бу пойабзал шаклини сақлашга ва ювиш жараёнида шикастланишдан ҳимоя қилади.
Пойабзалнинг икки пойини ҳам алоҳида сумкага солинг. Бу уни доирада эркин айланиб шикастланишидан сақлайди. Агар махсус сумка йўқ бўлса, эски ёстиқ қопидан фойдаланинг.
Пойабзални бошқа кийимлар билан аралаш ювманг. Акс ҳолда, ранглар ўзаро аралашиб кетиши мумкин.
Суюқ ювиш воситаларидан фойдаланинг — улар пойабзалдан осон ювилиб кетади. Мембрана матолар учун махсус гел керак, у материал тузилишини бузмайди ва барча хусусиятларини сақлаб қолади.
Фото: Ёу тубе
Кроссовкалар ва кеталарни қандай ювиш керак?
Ювишдан олдин юқоридаги кўрсатмалар бўйича тайёрланг: тагини тозаланг, ипларини олинг. Кроссовкаларни сумкага ёки ёстиқ қопига солинг ва уларнинг учларини маҳкам боғланг, шунда ювишда тушиб кетмайди. Катта ва оғир кроссовкалар билан бирга ювишда ранг ўтмаслиги учун катта сочиқ ёки ётоқ чойшабини ҳам қўшиш тавсия этилади — бу кир ювисг машинаси ойнасига урилишларни юмшатади.
Ювиш воситасини махсус бўлимга солинг, деликат ёки пойабзал учун махсус режимда ювилсин. Сув ҳарорати 30 даражадан юқори бўлмаслиги керак, чунки иссиқ сув пойабзални бузиши, тагини деформация қилиши, матони қисқартириши мумкин.
Резинали слансиларни қандай ювиш керак?
Тагини нам мато билан артиб, алоҳида сумкага ёки ёстиқ қопига солинг. Суюқ ювиш воситаси билан деликат ёки қўл ювиш режимида ювилсин.
Матоли тапочкаларни қандай ювиш керак?
Аввало тагини чўтка билан ёки нам мато билан артиб тозаланг. Барча безаклар жойида ва маҳкам эканини текширинг, агар бўлса, тикув ёки игна билан мустаҳкамланг. Тапочкаларни сумкага солиб, машинага юборинг. Ювиш воситасини бўлимга қуйинг, деликат ёки қўл ювиш режимини танланг — бу юмшоқ тозалашни таъминлайди.
Мембрана, полестер ва нейлон пойабзалларни ҳам худди шундай ювиш мумкин.
Пойабзални қандай қуритиш керак?
Ёрлиқдаги кўрсатмаларга эътибор беринг. Агар қуритгичдан фойдалиш мумкин бўлса, шундан фойдаланинг.
Резина слансиларни қуруқ сўрувчи мато билан артиб олинг. Тўғридан-тўғри қуёш нуридан узоқ, соя жойда қуритинг, чунки қуёшда резина ёрилади. Тапочкаларни арқонга осиб очиқ ҳавода қуритиш мумкин.
Кроссовкалар ва кедиларни қоғоз билан ичини тўлдиринг — у намликни ютади. Ўртача ҳароратда ёки соя жойда қуритинг. Қуритишдан олдин ипларини боғлаб қўйиш мумкин — шунда қоғозни жойлаштириш осонроқ бўлади ва пойабзал шаклини яхши сақлайди. Ипини ечиб қуритиш ҳам мумкин, бунда пойабзал ичини қўлингиз билан ушлаб туриб қоғоз билан тўлдиринг.
Энди сиз кир ювиш машинасида пойабзални қандай тўғри ювиш кераклигини биласиз ва севимли буюмларингизга янги ҳаёт бахш этишингиз мумкин.
Изоҳ (0)