Барчага соч қуритишда ёрдам берадиган фенлардан бошқа мақсадда ҳам фойдаланиш мумкин.
Ёрлиқ ва стикерларни ечиб олиш мумкин
Ёрлиқ ёки стикерлар қандайдир буюм юзасига жуда қаттиқ ёпиштирилган бўлса, уларни қўл билан бир текисда олишнинг имкони йўқ. Бундай вақтда фен орқали ёпишқоқ қоғоз бироз қиздирилади. Сўнгра елим эластиклиги ошиб, уни олиб ташлаш осонлашади.
Мебельдаги мумни бартараф этади
Агар шам мебель ёки полга томган бўлса, фен орқали уни эритиб, олиб ташлаш энг яхши усул ҳисобланади. Юмшагунча мум ҳам фен билан қиздирилади ва мато билан артилади.
Кўрпачани иситади
Совуқ об-ҳавода кўрпачаларни ёпиш ёқимсиз бўлса, уларнинг юзасини фен ёрдамида иситиш мумкин. Фақатгина уни қаровсиз қолдирмаслик зарур. Сабаби соч қуриткичнинг қизиши натижасида бузилиши ва ҳатто ёнғин келиб чиқиши ҳам мумкин.
Тирноқларни юқори тезликда қуритади
Ишга ёки учрашувга боришдан аввал тирноғини бўяйдиган хонимлар лакнинг тезроқ қуришини сабрсизлик билан кутади. Шундай вақтда фен масаланинг ечими бўлиши мумкин.
Тор жинси шимни кенгайтиради
Жинси матосидаги шимлар ювилганидан сўнг аввалгига қараганда тораяди. Уларни дастлабки ҳолига қайтариш учун фен билан шимнинг барча қисмини иситиб чиқиш зарур.
Янги пойабзал
Ҳар қандай янги пойабзал токи оёққа мослашгунича анчагина оғриқ бериши табиий. Шундай вақтда ажойиб усул билан ушбу муаммони бартараф этиш мумкин. Бунинг учун оёқ кийим иккита пайпоқ устидан кийилади ва ёғланади. Сўнг пойабзалнинг оёқни ураётган қисмига фен ёрдамида иссиқ ҳаво пуркалади. Натижада пойабзал ўлчами бироз кенгаяди.
Саёҳат пайтида кийимларни дазмоллаш
Саёҳат вақтида дазмолни олиб кетиш шарт эмас. Ғижим бўлган кийимларни душ қабул қилиш жараёнида ёйиб чиқиш тавсия этилади. Ҳаво буғи ёрдамида ғижими бироз кетган кийимлар фен билан қуритилади. Қарабсизки, кийимлар дазмол қилингандек кўринишда бўлади.
Музлаткичдаги музларни эритади
Баъзида музлаткичдаги музлар эриши учун соатлаб вақт керак бўлади. Аммо вақти зиқ хонимлар учун бунинг ҳам ечими бор. Албатта, жуда эҳтиёткорлик талаб этилади. Аммо фен бир зумда қалин музларни ҳам эриб тушишига ёрдам беради.
Изоҳ (0)