Деярли барчанинг уйида бўладиган фольга қоғозидан сиз хаёлингизга келтирмаган мақсадларда ҳам фойдаланса бўлади.
Қайчини чархланг
Қайчи ўткир бўлиши учун, тахминан тўрт қатлам қилиб букилган фольга қоғозини кесиб чиқинг. Қанча кўп кесилса, шунча яхши. Лекин одатда 7-10 марта такрорлаш кифоя қилади.
Ошхонадаги «воронка» ўрнига фольгадан фойдаланинг
Суюқликни дарҳол оғиз қисми ингичка идишга солишингизга тўғри келса ва ёнингизда «воронка» бўлмаса, фольгадан фойдаланишингиз мумкин. Бир неча марта айлантириб, конус шаклида бир қисмини ингичка бўлишига эътибор беринг.
Сабзавотларни барра ҳолда сақланг
Бананлар тез ёмон бўлиб қолмаслиги учун хариддан кейин уларни фольга қоғозга ўраб қўйинг. Бу меваларни камида икки ҳафта яхши аҳволда туришига ёрдам беради. Шунингдек, кўкатлар ва карамни ириб қолишининг олдини олиш учун фольгадан фойдаланиш тавсия қилинади.
Кийимларга чанг ёпишишини олдини олинг
Кир ювиш машинаси ичига бир нечта ғижимланган фольгали шарчалар ташланг. Бу матоларни «токланишининг» олдини олишга ёрдам беради. Натижада ювилгандан кейин кийимларга чанг ва соч толаси ёпишиб қолмайди.
Ёғ солишда фойдаланинг
Ёғни солганда билмасдан кўп солиниб кетиш ҳолати кўпчилик учун янгилик эмас. Бунинг олдини олиш учун ёғ солинган идиш оғзига фольга қоғоз тутинг, ип билан маҳкамланг. Санчқи ёрдамида бир нечта тешик ҳосил қилинг. Қарабсизки, ёғнинг меъёрда солинишига сабаб бўлади.
Дазмол қилишга камроқ вақт сарфланг
Дазмол столига кийимдан аввал фольга қоғози қўйинг. Бунда матонинг ҳар икки томони текисланади. Асосийси, кийим текис қўйилганига эътиборли бўлинг.
Грилни тозаланг
Барбекю пиширгандан кейин грилни тозалаш осон бўлмайди. Бундай вазиятда совишини кутмасдан ғижимланган фольгали шарчалар билан панжараларни ишқаланг. Куймаслик учун эса шарчани ошхонада фойдаланадиган қисқич билан ушланг.
Пирог куйишини олдини олинг
Қумоқ-қумоқ хамирдан тайёрланган пирог пишиш давомида куймаслиги учун махсус идиш устини фольга қоғози билан қопланг. Четлари ҳам яхшилаб ёпилганига эътибор беринг.
Кумуш буюмни ялтиратишда фойдаланинг
Кумуш буюмлар аввалгидек ялтираши учун уларни туз ва содали аралашма ҳамда фольга билан тозаланг. Чуқурроқ идишга фольгани солиб четларини қайиринг. Унинг тўртдан бир қисми миқдори иссиқ сув солинг. Ярим стакан сода ва яна шунча туз қўшинг. Яхшилаб аралаштиргандан кейин кумуш буюмни 10-15 дақиқага солиб қўйинг. Олгандан кейин юмшоқ латта билан артиб ташланг.
Изоҳ (0)