Кир ювиш машинасини куни билан ишлатиш ўрнига, унга озроқ дам ҳам бериш керак. Музлаткич бунинг учун ёрдам беради. У джинси шимларни тозалаши, кийимдаги ҳидларни йўқотиши мумкин. «Домашний очаг» нашри музлаткичнинг яна бир қанча фойдали томонларидан унумли фойдаланишни тавсия этади.
Свитерларнинг юнги тўкилишининг олдини олинг
Юмшоқ свитернинг доимо кийим, кейин лаблар ва киприкларда юнгини кўриш мумкин. Совиткичдан, аниқроғи, бунинг учун музхонадан фойдаланиш керак. Свитер пакетга солинади ва музхонага жойлаштирилади. Бир неча соат ўтгач, совуқда мато толалари бир-бирига ёпишади ва улар тўкилишидан тўхтайди. Бу усул, айниқса, жун ва кашмир учун айни муддао.
Джинсларни тозалаш мумкин
Агар севимли джинси кийим тез-тез ювилса, табиийки, унинг ранги ҳам ўча бошлайди. Бунинг ўрнига уларни вақти-вақти билан музлаткичга қўйиш керак. Нима учун музлаткичда? Чунки ҳар сафар джинси мато тезроқ эскиради ва ранглари ўчади. Музлаткичда эса ёқимсиз ҳидни келтириб чиқарадиган бактериялар совуқдан ўлади.
Янги пойабзалларни кенгайтиради
Баъзида янги пойабзал шу қадар оёқларни қийнайдики, уни имкон қадар киймасликка ҳаракат қилиш мумкин. Лекин сув ва совуқ ҳарорат ёрдамида ноқулай пойабзалларни кенгайтириш мумкин. Иккита пакетни сув билан тўлдириб, улар оёқ кийимга жойлаштирилади ва музлаткичга қўйилади. Суюқлик музга айланганда, ҳажм кенгаяди ва пойабзалларни муаммосиз чўзади.
Кийимдаги сақич изларини олиб ташланг
Ҳаётда камида бир марта бундай ҳолат деярли ҳар бир инсон билан содир бўлади. Фақат буюмни машинада ювишга шошилмаслик керак, ўрнига бир неча муз бўлаги олинади ёки буюм музлаткичга қўйилади. Буюм совитилганда, молекулалар орасидаги ёпишқоқлик заифлашади ва қаттиқлашган совуқ сақич кийимдан олиб ташлаш осонроқ бўлади.
Пойабзал таг қисми
Албатта, ботинкалар билан ҳам бу муаммони шундай бартараф этиш мумкин. Аввал улар музлаткичда сақланади ва шундан кейингина ёпишқоқ моддани тозалаш керак.
Оёқ кийимининг ҳидини бартараф этиш мумкин
Агар оёқ кийимдан нохуш ҳид келаётган бўлса, худди джинси шимларда бўлгани каби, совуқ ҳарорат бактерияларни ўлдиради. Агар бунга амал қилинса, қаерда бўлса ҳам пойабзални ечишдан уялмайди.
Куядан асрайди
Уйда пайдо бўлган куй гардеробдаги барча кийимларни тешиб чиқади. Шунинг учун барча кийимларни музлаткичга қўйиш тавсия этилади. Лекин уларни аста-секин енгиш мумкин. Кийимларни 24 соатга қолдириб, кейин одатдагидек ювилади.
Чойшабни янгиланг
Ёстиқ, матрас қопламалари ва адёлни янгилаш учун уларни ҳар сафар яхшилаб ювиш шарт эмас. Бунинг ўрнига уларни музлаткичга қўйиб, бир кечага қолдириш керак. Музлаткич бактерияларни ўлдириш учун ажойиб жой. Шунинг учун бу имкониятдан фойдаланишни унутмаслик лозим.
Изоҳ (0)