Шоу-бизнесда машҳур ота-онасининг ортидан қадам қўйган юлдузларнинг янги авлоди етишиб чиқмоқда. Машҳурлар фарзандларининг муваффақиятларини кўриб, фақат хурсанд бўлишади ва улар билан жуда фахрланади.
Жейден ва Уиллоу Смит
Уилл Смитнинг болалари жуда амбицияли. Жейден ва Уиллоу мусиқа ва кинога бўлган муҳаббатларини оталаридан мерос қилиб олган. Болалигидан улар реклама роликларида фаол иштирок этган, аммо кейинчалик қўшиқ айтишга қизиқиб қолишган. Бир куни болалар кимдир томонидан ёзилган қўшиқларни ёқтирмасликларини айтиб, уларни ўзлари яратишлари мумкин деб ўйлашади.
Ака-сингил нафақат мусиқий рэпертуар, балки кичик роллари билан ҳам мақтанишлари мумкин. 2006 йилда Уилл Жейден билан бирга “Бахтга ортидан” фильмида ота-бола ролини ўйнайди. 2007 йилда эса қизи ҳам фильмдаги дебютини қилади — Уиллоу “Мен афсонаман” фильмида иштирок этади.
Айтганча, 4 ой олдин Жейден “I Do’nt Wanna Cry” трекини чиқарди. Уиллоунинг рэпертуарида ҳам кўплаб ажойиб клиплар бор.
Норт Уэст
Ким Кардашян ва Кане Уэстнинг тўнғич қизини буюк келажак кутмоқда. 10 ёшли Норт Уэст аллақачон ўзини турли ижодий йўналишларда синаб кўрган. Унинг келажакдаги касбига айланиши мумкин бўлган севимли машғулоти расм чизишдир.
Қиз нафақат қоғозга, балки одамларнинг юзларига ҳам чизади. Норт макияж қилишни яхши кўради, айниқса гримни. У тез-тез ўз маҳоратини юлдуз онасида машқ қилиб туради. Бир марта у Кимни Гринч ва Минионга оъхшатиб қўйган. Юлдуз ўзининг иқтидорли қизи билан фахрланади ва баъзида ижодидан намуналарни ижтимоий тармоқларда намойиш этади.
Бу йил Норт фильмда дебют қилди. Тўғри, ҳали экранда эмас, балки дубляж актрисаси сифатида. Қиз “Посбон кучукчалар” мультфильмдаги бош қаҳрамонлардан бирига овоз берди.
Блю Айви Картер
Блю Айви Картер саҳнага чиққанида, оломон унинг ота-онаси — Бейонсе ва Жей-Зи чиққанидек шовқин-сурон кўтаради. Қиз эндигина 11 ёшда, лекин унга шоу-бизнес гўдаклигидан таниш. Ота-онаси уни доим концертларга олиб боришар ва саҳна ортидаги ҳаётини кўрсатишарди.
Blue Айви ўзининг биринчи мукофотини 2019 йилда олади. Бу “Қирол шер” саундтреки учун Soul Траин Awards мукофоти эди. Блю ота-онаси билан бирга Броwн Скин Гирл қўшиғини ёзишда иштирок этади, бу ҳақиқий оилавий ютуққа айланади. Қиз шунингдек, онасининг концертларида рақс саҳналарида чиқиш қилади.
Лени Клум
Хейди Клумнинг гўзал ва омадли қизи Лени ёшлигидан мода саноати билан таниш ва ҳозирда энг талабгир моделлардан бири ҳисобланади. Ҳозир у 19 ёшда. Она ва қизи биргаликда ижтимоий тадбирларда қатнашади, кампанияларда иштирок этади.
“Қизим менинг олдимда ўзини жуда қулай ҳис қилаётганидан хурсандман, чунки ҳамма бола ҳам бундай қила олмайди. Бизда шундай ажойиб муносабатлар борлиги менга ёқади”, — дейди Хайди интервьюларининг бирида.
Кая Гербер
Синди Кроуфорднинг қизи фильмларда ҳам рол ўйнайди. Аммо Кая Гербер ўзини кўпроқ моделлик карьерасига бағишлаган — у машҳур онасининг изидан борди. Она ва қиз машҳур журналлар учун кампаниялар ва фотосессияларда бирга қатнашади. Кая ҳозир 22 ёшда.
Эмма Энтони
Ўтган июнь ойида Женнифер Лопез жамоатчиликка 14 ёшли қизи Эмма Энтонини таништирди. Қиз онасининг Лос-Анжелесдаги концертида иштирок этди. Илгари ҳам Эмма катта саҳнага чиққан, аммо кўпчилик пайқамаган ҳам. 2020 йилда у Супер Боwлъда Жей Ло, Шакира ва болалар гуруҳи билан бирга чиқиш қилганди.
Мусиқага бўлган муҳаббати ва қўшиқчи сифатида карьера қуриш истагига қарамай, Эмма камдан-кам саҳнага чиқади.
Изоҳ (0)