Иқтисодиёт ва молия вазирлиги “Ташаббусли бюджет”нинг 2025 йилги иккинчи мавсуми 15 июлдан бошланишини эълон қилди.
Бунда:
- лойиҳа киритиш босқичи — 15 июль – 3 август;
- саралаш босқичи — 4–18 август;
- тарғибот босқичи — 19–21 август;
- овоз бериш босқичи — 22–31 август кунлари ўтказилади.
Ғолиблар 1 сентябрь — Мустақиллик байрами куни эълон қилинади.
“Ташаббусли бюджет”нинг 2025 йилги биринчи мавсуми 1 февралдан бошланиб, 20 мартга қадар давом этганди. Овоз бериш якунларига кўра, 3,2 триллион сўмлик 2 369 та лойиҳа ғолиб деб топилганди. Лойиҳаларнинг энг кўпи — 964 таси ички йўлларни таъмирлаш билан боғлиқ тадбирлар бўлган.
Ушбу мавсум якунларига кўра ғолиб бўла олмаган 33 та лойиҳа қўшимча ғолиб деб топилди ва маҳаллий бюджетнинг қўшимча маблағлари ҳисобидан 7,5 миллиард сўм ажратилди.
Изоҳ (0)