“Дарё” нашри бугун, 22 августда эълон қилинган Ўзбекистоннинг ижтимоий-сиёсий ҳаётига оид эътиборга молик хабарларни бир жойга тўплади.
Озарбайжон президенти рафиқаси ҳамроҳлигида Ўзбекистонга келди
Давлат ташрифи билан келган меҳмонни бош вазир Абдулла Арипов кутиб олди.
“Ташаббусли бюджет” 2-мавсуми доирасида овоз бериш бошланди
Овоз бериш жараёнлари 10 кун давом этади.
Ўзбекистон аҳолисининг аксариятида маймунчечакка қарши жамоавий иммунитет борлиги маълум қилинди
Санэпидқўмита ушбу касаллик республика ҳудудига кириб келиши эҳтимоли жуда камлигини билдирди.
Балиқчи тумани ҳокими ўринбосари қамоққа олинди
У туман ҳокимлиги захирасида бўлган 3,75 гектар ер майдонини расмийлаштириб бериш эвазига 30 минг АҚШ доллари олган вақтда ашёвий далил билан ушланган.
Ўзбекистонда янги низом бўйича махсус унвонда хизмат ўташ муддатлари белгиланди
Президентнинг айрим қарорларига ўзгартиришлар киритилди.
Тошкентда уй сотаман деб, 164 млрд сўмни “еб кетган” қурувчи Чирчиқда ҳам 174 кишини чув туширгани айтилмоқда
174 нафар киши уй учун пул тўлаб қўйиб, 3 йилдан бери уй қурилиши давом этишини кутмоқда.
Ўзбекистон дизель импорти ҳажмини икки йилда етти бараварга оширди
Мамлакатда бир неча корхоналар дизель ишлаб чиқаради. Бироқ маҳсулот импорти ўсишда давом этмоқда.
Тошкент вилоятида ерни ноқонуний сотмоқчи бўлганлар 550 минг доллар олаётганида қўлга тушди
Фарғона ва Андижон вилоятларида ҳам ерни ноқонуний сотиш ҳолатлари аниқланиб, жиноят ишлари қўзғатилди.
5 сентябрдан 3 октябргача Тошкентда совуқ сув навбатма-навбат вақтинча ўчирилади
Сув бўлмаган жойларга сув ташувчи махсус автомашиналар юборилади.
Изоҳ (0)