Ижтимоий тармоқларда Nexia-3 одамларни судраб кетаётгани акс этган видео тарқалди. Вилоят ИИБ ҳолат юзасидан маълумот берди.
Унга кўра, 8 июль куни соат тахминан 14:30 ларда Миришкор туманида жойлашган ошхонага фуқаролар Р.Л., К.С.лар кириб, ошхона эгаси Э.I. билан тортишиб қолган.
Ўзаро келишмовчилик оқибатида Р.Л., К.С.лар ҳайдовчи К.Ҳ. бошқарувидаги Nexia-3’га йўловчи сифатида ўтирганда, фуқаро Э.I. ва яқин қариндошлари автомашинани тўхтатишга уринса-да, ҳайдовчи ҳаракатланиб кетган.
Ҳозирда ҳолат юзасидан Миришкор туман ИИБ томонидан терговга қадар суриштирув ҳаракатлари олиб борилмоқда.
Бундан аввал Бухоро вилоятининг Жондор туманида ҳайдовчи Cobalt’ни қасддан ЙПХ ходими устига ҳайдагани ҳақида хабар берилган эди.
Шунингдек, Сурхондарёда вояга етмаган бола ЙПХ ходимини судраб, Cobalt олиб қочган эди.
Изоҳ (0)