Жиззах вилоятининг Шароф Рашидов туманида автобус ариққа тушиб кетди, деб хабар беради вилоят ИИБ ахборот хизмати.
Қайд этилишича, 15 апрель куни соат 17:00 ларда Шароф Рашидов тумани “Қўшкўприк” маҳалласи ҳудудидан ўтган автомобиль йўлида йўловчи ташувчи автобус ариққа тушиб кетган.
Олиб борилган суриштирувлар натижасида автобус ичида йўловчилар бўлмагани аниқланган. Ҳайдовчига эса биринчи тез тиббий ёрдам кўрсатилган.
Бундан олдин Тошкентда икки автобус ҳайдовчиси ўртасида жанжал юз бергани, Тошкентда автобус ҳайдовчиси эшикка қисилиб қолган йўловчини бир неча метрга судраб кетгани тўғрисида хабар берилганди. Февраль охирларида эса Тошкентда автобуслар билан боғлиқ нохуш ҳолатлар кўпайгани ортидан 5 нафар масъул ходим ишдан олинган эди.
Изоҳ (0)