Toshkentdan Surxondaryoga yo‘lovchi sifatida borgan bola YPX xodimini ham sudrab, Cobalt olib qochdi. Bu haqda viloyat IIB xabar berdi.
Maʼlum qilinishicha, 7-may kuni soat 22:18 larda ichki ishlar bo‘limiga bu bo‘yicha xabar kelib tushgan. Holat o‘rganilib, viloyat miqyosida to‘sib ushlash rejasi qo‘llanilgan. Mashina Jarqo‘rg‘on tumaniga yetgach ichki ishlar xodimlarining to‘xtash ishorasiga bo‘ysunmay aylanma yo‘llar orqali qochgan. U hatto to‘silgan darvozani ham urib qochgan.
Cobalt shu kuni soat 23:40 larda xodimlar tomonidan to‘sib ushlab to‘xtatib qolingan.
“Qarzim bor edi shu sababli olib qochdim. 1xbet dan 2 ming dollar qarzga botgan edim. Mashinani berib pul olib turmoqchi edim. Qilgan ishimdan pushaymonman. Harom o‘yinlar o‘ynamanglar, oxirini mana ko‘rib turibsizlar”, deydi bola.
Aniqlanishicha, transport vositasini o‘g‘irlagan shaxs Toshkentdan Termizgacha shu avtomashinada yo‘lovchi sifatida harkatlanib kelgan. Holat yuzasidan jinoyat ishi qo‘zg‘atildi.
Bundan avval taniqli so‘z ustasi Shukurullo Isroilovga tegishli Mercedes-Benz rusumli avtomobil o‘g‘irlab ketilgani xabar qilingandi. Shuningdek, Toshkentdan olib qochilgan Equinox “Qamchiq” dovonida ushlangan edi.
Izoh (0)