Испаниянинг “Реал Мадрид” клуби Нидерландиянинг “АЗ Алкмар” жамоасида тўп сураётган ярим ҳимоячи Кес Смитни ўз сафига қўшиб олиш масаласини кўриб чиқмоқда. Бу ҳақда Diario АС нашри хабар берди.
Манбага кўра, “қироллик клуби” 19 ёшли футболчининг ўйини ва майдондаги ҳаракатларини юқори баҳолаб, уни Мадридга олиб келиш борасида музокара бошлаш арафасида турибди.
Қолаверса, футболчининг ўзи ҳам “қаймоқранглилар” таркибига ўтишни истаётганини билдирган. Яқинда Смитнинг кўчада “Реал Мадрид” футболкасида тушган сурати эълон қилингани ушбу тахминларни янада кучайтирди.
2024/25 йилги мавсум Кес Смит барча мусобақалар доирасида 43 ўйинда майдонга тушиб, 10 та гол ва 7 та голли узатмага муаллифлик қилган. Унинг “АЗ Алкмар” билан амалдаги шартнома 2028 йилгача мўлжалланган.
Transfermarkt портали ҳозирда футболчининг қийматини 5 миллион еврога баҳоламоқда.
Изоҳ (0)