Мадриднинг “Реал” клуби бош мураббийи Хаби Алонсо жамоанинг ҳимоявий ўйини борасида аниқ позициясини билдирди. Журналист Фабрицио Романонинг хабарига кўра, у Карло Анчелотти даврида юзага келган ҳимоядаги муаммоларни бартараф этишни мақсад қилган.
Испаниялик мутахассис “қаймоқранглилар” таркибидаги барча футболчилардан, жумладан ҳужум чизиғидаги юлдуз футболчиларидан ҳам прессинг ва орқага қайтишни талаб қилмоқда:
— Менимча, ҳимояда бутун жамоа ҳаракат қилиши керак. 11 нафар футболчи ҳам прессингда қатнашиши шарт. Винисиус, Беллингем, Вальверде, Мбаппе — уларнинг барчаси бу жараёнда иштирок этиши зарур, — деди мураббий.
Эслатиб ўтамиз, “Реал Мадрид” 27 июнь, жума куни Клублар ўртасидаги Жаҳон чемпионати гуруҳ босқичининг сўнгги турида “Зальцбург”га қарши майдонга тушиб, 3:0 ҳисобида ғалаба қозонди.
Мадридликлар чорак финалда “Ювентус” билан баҳс олиб боради. Учрашув 1 июлдан 2 июлга ўтар кечаси, Майами шаҳридаги “Ҳард Rock” стадионида бўлиб ўтади. Ўйин Ўзбекистон вақти билан соат 00:00 да бошланади.
Изоҳ (0)