Англиянинг “Тоттенҳэм” клуби япониялик марказий ҳимоячи Кота Такаини ўз сафига қўшиб олди. Клуб матбуот хизматининг хабарига кўра, 20 ёшли футболчи билан узоқ муддатли шартнома имзоланган бўлиб, келишув 2030 йилгача амал қилади.
Такаи Япониянинг “Кавасаки Фронтале” клуби тарбияланувчиси ҳисобланади. У асосий жамоа сафида илк бор 2022 йилнинг апрель ойида, атиги 17 ёшида дебют қилган. Бу давр мобайнида у клуб таркибида 81 та ўйинда иштирок этиб, 4 та гол урган. Шунингдек, жамоанинг 2023/24 йилги мавсум ОФК Чемпионлар Лигаси финалига чиқишида муҳим рол ўйнаган.
Ёш ҳимоячи 2024 йил сентябрь ойида Япония миллий терма жамоаси сафида дебют қилган бўлиб, ҳозиргача 4 та учрашувда майдонга тушган.
Transfermarkt порталига кўра, Кота Такаининг бозор қиймати 2,5 миллион еврога тенг.
Изоҳ (0)