Тошкентнинг “Пахтакор” клуби португалиялик мутахассис Педро Морейра ҳамда унинг мураббийлар штаби ва футболчи Жонатан Лукка билан шартномаларни бекор қилди. Бу ҳақда клуб матбуот хизмати хабар берди.
Маълум қилинишича, клуб ва мураббий ўртасидаги шартнома икки томоннинг ўзаро келишуви билан бекор қилинган. Шунингдек, май ойида жароҳат олиб, сафдан чиққан бразилиялик ярим ҳимоячи Жонатан Лукка билан ҳам муддатидан олдин хайрлашилган.
Эслатиб ўтамиз, 2025 йил 5 май куни ОАВда Морейранинг истеъфога чиққани ҳақида хабарлар тарқалган эди. Бироқ клуб бу маълумотларни рад этиб, мураббийнинг ишдан кетмагани, балки қисқа муддатли таътилга чиққанини маълум қилганди.
Педро Морейра 2024 йил декабрь ойида “Пахтакор” бош мураббийи этиб тайинланган эди. Унинг бошқарувида “шерлар” 12 та расмий ўйин ўтказиб, улардан 5 тасида ғалаба қозонган, 7 тасида эса имкониятни бой берган.
Футболчи Жонатан Лукка эса “Пахтакор” сафида жами 8 та ўйинда майдонга тушган эди.
Изоҳ (0)