Xiaomi юқори тезликда ишлайдиган янги Mijia Pro фенини тақдим этди, у бош терисига салбий таъсир кўрсатмасдан сочларни эҳтиёткорлик билан қуритади. Бунинг учун қурилмада доимий қулай ҳаво ҳароратини сақлаб туришга имкон берадиган бир нечта сенсорлар мавжуд. Феннинг нархи, тахминан, 82 доллар бўлиб, уни Хитойдан буюртма қилиш мумкин.
Mijia Pro фенидаги ToF сенсори (қурилмадан бошгача бўлган масофани ўлчайди), сониясига 200 мартагача оқим ҳароратини мониторинг қилувчи юқори аниқликдаги НТC термистор ва 50 градус доимий ҳаво ҳароратини қўллаб-қувватлаш орқали бош терисининг сезгир жойларини ҳимоя қилади. Масофани назорат қилиш рангли индикаторли LED ҳалқаси бўлган мослама ёрдамида амалга оширилади.
Қурилма 110 000 айланиш тезлигигача бўлган чўткасиз двигателга эга бўлиб, у 70 м/с гача ҳаво оқими тезлигини яратади. Янги қурилма калта сочларни атиги 30 сонияда, елка узунлигигача бўлган сочларни 3 дақиқада ва узун сочларни 5 дақиқада қуритишга қодир. Шунингдек, Mijia Proʼда шовқин даражасини пасайтириш учун двигателнинг ишлаши оптималлаштирилган бўлиб, улардан тинч муҳитда қулай фойдаланиш имконини беради. Танлаш учун 4 та иш режими мавжуд: совуқ, илиқ, иссиқ ва ўзгарувчан иссиқ/совуқ ҳамда иккита шамоллатиш тезлиги вариантидан иборат. Бундан ташқари, фен охирги танланган созламаларни эслаб қолиш қобилиятига эга.
Mijia Proʼда статик электр ҳосил бўлишини камайтириш учун 200 миллионгача салбий ион ишлаб чиқарадиган ҳаво ионизатори мавжудлиги таъкидланган. Максимал қувват сарфи — 1600 Вт. Янги қурилма корпуснинг тўрт хил рангида мавжуд: яшил, бинафша, кулранг, оқ. Қурилманинг оғирлиги 250,6×90×73 мм ўлчамларда 380 граммни ташкил қилади.
Изоҳ (0)