Ҳинд киносининг энг севимли жуфтликларидан бири Шоҳрух Хон ва Рани Мукержи яна биргаликда бир лойиҳада суратга тушмоқда. Улар “Ҳаётда ҳамма нарса бўлади”, “Муҳаббат йўллари”, “Вир ва Зара” ҳамда “Ҳеч қачон алвидо дема” каби фильмлари томошабинлар қалбини забт этган. Эндиликда мухлислар уларни янги “Қирол” фильмида кўришлари мумкин.
Маълумотларга кўра, Рани Мукержи эпизодик, аммо муҳим рол — Шоҳрух Хоннинг қизи Суҳана Хоннинг онасини гавдалантиради. Айнан шу образ фильм сюжети ривожланишининг бошланғич нуқтаси бўлади. Ранига ролнинг мазмуни ва чуқурлиги ёққан ва шу сабабли Шоҳрух Хон таклифи ҳамда режиссёр Сиддҳарт Ананднинг илтимосига дарҳол рози бўлган.
“Қирол” ҳинд киноси тарихидаги йирик лойиҳалардан бири бўлиши кутилмоқда. Фильмда яна бир қатор машҳур актёрлар, жумладан, Дипика Падуконе, Абҳишек Баччан, Аршад Варси, Жайдип Аҳлават, Жеки Шрофф, Абҳай Верма ва бошқалар иштирок этади. Айниқса, Абҳишек Баччаннинг салбий образда чиқиши ва унинг яқин орадаги анча озган қиёфаси ижтимоий тармоқларда катта шов-шувга сабаб бўлди.
Фото: Дзен
Аслида фильмнинг премераси 2025 йил 20 майга режалаштирилган эди, бироқ режиссёр Сиддҳартҳ Ананд ҳозирча суратга олиш ишларини бошламаган. У сценарий мазмунига кўпроқ эътибор қаратмоқда. Унинг мақсади “Жосуслик олами”даги муваффақиятни ортда қолдирадиган даражадаги фильм ишлаб чиқишдир. Фильм устида Red Chillies Entertainment ва Маrfliх компаниялари ишлайди. Сценарий муаллифи — машҳур режиссёр Суджой Гхош.
Шоҳрух Хон илгари “Қирол” фильми ҳақидаги айрим тафсилотларни очиқлаган. У Локарно кинофестивалида янги лойиҳага “жангари-драма, ҳинд тилидаги чуқур эмоционал фильм” деб таъриф берган ва бу турдаги лойиҳани узоқ йиллардан бери орзу қилганини айтган.
Фото: Дзен
Абу-Дабида ўтган бир тадбирда эса актёр режиссёр Сиддҳартҳ Ананд унга фильм сюжетининг тафсилотларини оммага ошкор қилмасликни қатъий тайинлаганини таъкидлаган.
Изоҳ (0)