«Нарния салтанати» фильмининг суратга олинганига 15 йил тўлди. Ушбу фильм қаҳрамонларига айланган ёш актёр ва актрисалар картина намойишидан сўнг дунё бўйлаб машҳурликка эришди.
Аммо орадан ўтган 15 йил давомида улар қандай ҳаёт кечирди? Бу фильм томошабинлари учун номаълум, аммо жуда қизиқ бўлиши табиий. Марҳамат, қуйида уларнинг ҳаёти ҳақида яқиндан танишиш мумкин.
Шаҳзода Каспиан – 24 ёш
Бен Барнс – 39 ёш
Актёр Бен Барнс «Нарния салтанати» фильмига суратга тушмасидан аввал томошабинларга «Юлдуз ёғдуси» картинаси орқали танилиб улгурган эди. Орадан бир йил ўтиб, Оскар Уайлднинг «Дориан Грэй» романининг экранлашитирилган варианти – «Нарния салтанати» фильмида бош ролни ижро этди. Унинг шаҳзода Каспиан қаҳрамони карьерасига сезиларли даражада таъсир ўтказди. The Telegraph газетасида актёрга «Голливуднинг янги шаҳзодаси» дея берилган таърифдан сўнг у бир нечта йирик реклама шартномаларини имзолади. Кейинчалик шов-шув бўлган «Ғарбнинг ёввойи дунёси» ва «Жазоловчи» лойиҳаларида иштирок этди. Айни дамда Барнс Netflix’нинг «Соя ва суяк» сериалида суратга тушмоқда, шунингдек, ушбу картина актёр машҳурлигининг янги тўлқини бўлиши тахмин қилинмоқда. Бундан ташқари, Бен мусиқа билан шуғулланади, у ажойиб овозга эга. У тез-тез Instagram’даги обуначиларини пианинода ижро қилаётган видеоклиплари билан қувонтиради.
Питер Певенси – 18 ёш
Уильям Моусли – 33 ёш
Фильм суратга олинганига кўп йиллар ўтган бўлса-да, Уильям Моусли ҳали ҳам Люси, Сюзен ва Эдмунд Певенс ролини ижро этган ҳамкасблари билан дўстона муносабатларини давом эттирмоқда. Актёр фильмдаги Пётр қаҳрамонидан сўнг ўз карьерасини шакллантирди. Бир неча йил давомида сериалларда суратга тушди ва «Ҳарир» фильми орқали катта экранларга қайтди. Ўшандан буён Уильям йирик лойиҳаларда иштирок этмоқда. «Қироллик оиласи аъзолари» ва «Хат ташувчи» триллерида асосий роллардан бирини ижро этди. Актёрнинг Instagram блогига қараганда, Уильям фитнес, соғлом турмуш тарзини яхши кўради.
Люси Певенси – 10 ёш
Жоржи Хэнли – 25 ёш
Люси Певенсининг роли кичик Жоржига нафақат актёрлик фаолиятини бошланишини тақдим этди, балки Phoenix Film Critcs Society Award танловида «Энг яхши актриса» номинацияси ғолиблигини ҳам олиб келди. «Нарния салтанати» фильмининг суратга олиш ишлари якунлангандан сўнг «Мактаб лойиҳаси» ва «Туннинг опа-сингиллиги» каби картиналарда суратга тушди. Кейинчалик ўзини режиссёр сифатида ҳам синаб кўрди. 2015 йилда «Кўтарилиш» номли қисқа метражли фильми премьераси бўлиб ўтди. Гарчи актриса инглиз тили ва адабиёти санъати бўйича бакалавр маълумотга эга бўлса-да, у магистратура босқичини режиссёрлик бўйича давом эттиришга қарор қилди. Шунингдек, у актёрлик фаолиятини ҳам тўхтатиб қўймади. Ҳозирда актриса «Испания маликаси» телесериалида суратга тушмоқда.
Сьюзен Певенси – 16 ёш
Анна Попплуэлл – 31 ёш
Анна Попплуэлл 1998 йилдан буён киноларда мунтазам иштирок этаётган, шунингдек, «Гарри Поттер» фильмидаги Гермиона роли учун танловда қатнашган бўлса-да, у айнан Сьюзен Певенси образида дунё бўйлаб шуҳрат қозонди. Картинанинг суратга олиш ишлари тугагандан сўнг «Қироллик» сериалида Лола хоним образида намоён бўлди. Айни кунларда актрисанинг Instagram саҳифасидаги постларига кўра, у янги фильмда суратга тушмоқда, аммо лойиҳанинг номи ошкор қилинмаган.
Эдмунд Певенси − 14 ёш
Скандар Кейнс – 29 ёш
Ушбу актёрнинг ҳаёти чиндан ҳам саргузашт фильмга ўхшайди. Сабаби унда жуда кўп воқеалар ва тасодифлар мавжуд. Скандарнинг актёрлик фаолияти «Нарния салтанати» фильмидан сўнг якунланди. У дастлаб шифокор бўлишни режалаштирган эди, аммо охир-оқибат сиёсатга киришиб кетди. Ҳозирда у Лондонда яшайди ва Буюк Британия парламентида ишлайди. Скандарнинг қизиқиш доираси жуда кенг бўлиб, мутолаани яхши кўради, таэквондо бўйича яшил белбоғ соҳиби, шунингдек, флейта чалишни ҳам билади ва экстремал спорт турлари билан шуғулланиб туради.
Изоҳ (0)