Наманган шаҳрида 9-синф ўқувчиси бошқарган Gentra автомобили иштирокида автоҳалокат содир бўлди. Бу ҳақда “Дарё” мухбири Азизбек Абдувалиев хабар бермоқда.
Воқеа жорий йил 2 ноябрь куни шаҳар марказидаги Амир Темур кўчасида рўй берган. Gentra автомобили бошқарувни йўқотиб, хавфли вазиятни юзага келтириб, тезликни чеклаш белгисига бориб урилган.
Бу пайт машина салонида ўқувчи ва унинг ўртоғи бўлган. Болаларга жабр етмаган, автомобиль эса жиддий шикастланган.
Вилоят ИИБ ЙҲХБ ахборот хизмати раҳбари Ботир Боймирзаевнинг билдиришича, ўқувчи ушбу автомобилни икки соат учун 150 минг сўм тўлаб, ижарага олиб бошқарган.
Ҳозирда мазкур ҳолат юзасидан суриштирув ишлари олиб борилмоқда.
Изоҳ (0)