Наманган вилоятида содир бўлган йўл-транспорт ҳодисаси оқибатида бир киши ҳалок бўлди. Бу ҳақда вилоят ИИБ ахборот хизмати хабар берди.
Қайд этилишича, 20 апрель куни соат 18:40 ларда Янги Наманган туманида яшовчи, тумандаги мактабнинг 11-синф ўқувчи 17 ёшли йигит тоғасининг Lacetti’сида ҳаракатланганда бошқарувни йўқотган ва йўлнинг қарама-қарши қисмига ўтиб кетган.
Ҳаракат хавфсизлигини таъминлай олмаган йигит йўлнинг чап томонида турган, Хоразм вилояти Боғот туманида яшовчи, Наманган муҳандислик-қурилиш институтининг икки нафар талабасини уриб юборган.
Жабрланувчилардан бири шифохонада вафот этган, иккинчиси эса енгил жароҳат олган.
Бундан олдин Андижонда Nexia-3 йўлнинг белгиланмаган жойидан кесиб ўтмоқчи бўлган аёлни уриб юборганди. Шунингдек, Самарқанд ва Қашқадарёда юз берган ЙТҲ оқибатида икки пиёда ҳалок бўлгани тўғрисида хабар берилганди. Шунингдек, Жиззах вилояти Фориш туманида маст ҳолда бўлган Nexia-2 ҳайдовчиси йўл четидаги 20 ёшли пиёдани уриб юбориб, унинг ўлимига сабабчи бўлган эди.
Изоҳ (0)