Канаданинг Галифакс шаҳридаги аэропорт учиш-қўниш йўлагидан чиқиб кетиб, унинг бир қисми ёниб кетганидан сўнг, аэропорт вақтинча ёпилди. Бу ҳақда CBC телеканали хабар берди.
Ҳодиса кеча 28 декабрь куни тунда маҳаллий вақт билан 21:30 атрофида ПАЛ Airlines авиакомпаниясининг Аир Cанада Эхпресс 2259 рейси билан содир бўлган. Сент-Жондан келган самолёт қўнишда муаммога дуч келди. Йўловчиларнинг сўзларига кўра, самолёт шассисининг ғилдиракларидан бири ишламай қолган.
“Самолёт чап томонга тахминан 20 градуслик бурчак остида қўна бошлади ва ўшанда биз зарбага ўхшаш жуда баланд овозни эшитдик, чунки самолёт қаноти асфалт бўйлаб сирпаниб кета бошлади”, деган йўловчилардан бири Никки Валентайн.
Унинг қўшимча қилишича, учувчилар самолётнинг учиш-қўниш йўлаги бўйлаб ҳаракатланишини тўхтатишга уринган. “Самолёт кучли силкинди ва биз чап томонда олов ва тутун чиқаётганини кўрдик”, дея қўшимча қилди Валентайн.
Галифакс аэропорти Х ижтимоий тармоқда бортдаги барча йўловчилар ва экипаж аъзолари эвакуация қилинганини хабар берди. Ҳодиса аэродромнинг қисқа муддатга ёпилишига олиб келди, дея қайд этди аэропорт вакиллари.
29 декабрь, якшанба куни маҳаллий вақт билан соат 9:07 да Jeju Air авиакомпаниясининг Boeing 737-800 йўловчи самолёти Жанубий Кореяда ҳалокатга учради. Таиланднинг Бангкок шаҳридан Жанубий Кореянинг Муан шаҳрига учаётган самолёт қўниш вақтида учиш-қўниш йўлагидан чиқиб кетган ва панжарага урилган, шундан сўнг у икки қисмга бўлинган ва ёниб кетган. Охирги маълумотларга кўра, 177 нафардан ортиқ одам ҳалок бўлган.
25 декабрь куни Боку-Грозний маршрути бўйича учган самолёт Қозоғистоннинг Оқтов шаҳрида қулаган, оқибатда 38 нафар одам ҳалок бўлганди.
Изоҳ (0)