Ижтимоий тармоқларда Олмазор туманининг Сағбон кўчасида қурилиш биноси қулаб тушгани ҳақида видеолар тарқалди. Ҳолат юзасидан Қурилиш ва уй-жой коммунал хўжалиги вазирлиги изоҳ берди.
Маълум қилинишича, вазирлик мутасаддилари кеча тунда воқеа жойига бориб, ҳолатни ўрганган.
Натижада бино қуламаганлиги, балки бетон қуйиш жараёнида техник хатоларга йўл қўйилганлиги сабабли қолип (опалубка) конструкциялари тушиб кетгани аниқланди.
Ҳодиса натижасида атрофдаги фуқаролар ва ишчиларга зарар етмаган.
Ҳозирда мутасадди ташкилотлар томонидан қурилиш нормаларига риоя этилганлик ҳолати юзасидан ўрганиш олиб борилмоқда.
Изоҳ (0)