CAFA Nations Cup-2025 мусобақасига қуръа ташлаш маросими бўлиб ўтди. Унга кўра, Ўзбекистон терма жамоаси А гуруҳидан жой олди.
Гуруҳда Темур Кападзе бошчилигидаги жамоага Қирғизистон, Туркманистон ва Уммон терма жамоалари рақиблик қилади. B гуруҳидан Тожикистон, Эрон, Афғонистон ҳамда Малайзия терма жамоалари жой олди.
А гуруҳи
- Ўзбекистон (мезбон)
- Қирғиз Республикаси
- Туркманистон
- Уммон
B гуруҳи
- Тожикистон
- Эрон
- Афғонистон
- Малайзия
Маълумот учун, CAFA Nations Cup-2025 мусобақаси 28 августдан 8 сентябрга қадар Ўзбекистон ва Тожикистон майдонларида бўлиб ўтади. А гуруҳи ўйинлари ва мусобақанинг финал учрашуви Тошкент шаҳрида, B гуруҳи ва 3-ўрин учун баҳс Душанбе шаҳрида ўткзилади. Турнирга Уммон ва Малайзия терма жамоалари меҳмон сифатида таклиф қилинган.
Эслатиб ўтамиз, мусобақанинг амалдаги ғолиби Эрон терма жамоаси ҳисобланади. 2023 йил Тошкентда ўтган CAFA Nations Cup-2023 финалида форслар Ўзбекистонни минимал 1:0 ҳисобида мағлуб этиб, бош совринга эга чиққан.
Изоҳ (0)