“Иккала жамоага ҳам яхши ўйин тилайман. Ўзбекистон — кучли жамоа, ажойиб ижрочиларга эга. Аммо биз жанг қилишга тайёрмиз. Ҳимояда тартибли ўйнаб, вазиятларимиздан фойдаланишга ҳаракат қиламиз.
Анталияда икки ҳафта тайёргарлик кўрганимизга сабаб, у ернинг шароитлари ва жойлашуви ҳар томонлама қулай эди.
Ўзбекистонга қарши 2-бўлимларни ёмон ўтказаётганимизни таҳлил қилдик. Бунга кўплаб омиллар бор: тажриба, концентрация, чемпионатимизда рақобат йўқлиги ва футболчилар босимга тайёрмаслиги. Камчиликларимиздан хабардормиз.
Ўзбекистоннинг заиф томонлари? Айтиш қийин. Сўнгги 5 йилда жамоангиз кучайди, легионерлар кўпайди, мураббий тажрибали. Фақат актив прессинг йўқлигини айтиш мумкиндир. Бошқа заиф жиҳатларни кўрмаяпман”, — деди Ўразов.
Ўзбекистон миллий терма жамоси ҳисобида 10 очко мавжуд ва улар кейинги босқич масаласини муддатидан олдин ҳал қилган, Туркманистон терма жамоаси учинчи ўрин учун кураш олиб бормоқда. Улар ҳисобида бир очко бор.
Маълумот учун, Ўзбекистон ва Туркманистон ўртасидаги баҳс эртага, 6 июнь куни бўлиб ўтади ва Тошкент вақти билан 19:30да бошланади.
Изоҳ (0)