“АҚШ Исроил ва Эрон ўртасидаги урушда тутиб олувчи ракеталарининг чорак қисмини сарфлади” — CNN

Америка Қўшма Штатлари июнь ойида Исроил ва Эрон ўртасидаги 12 кунлик можаро пайтида THAAD (Terminal High Altitude Area Defense) тутиб олувчилар арсеналининг тахминан 25 фоизини сарфлади. Бу ҳақда CNN хабар бермоқда.

“Америка қўшинлари Теҳроннинг йирик баллистик зарбасини қайтариш учун 100 дан 150 тагача тўхтатувчиларни юборди. АҚШ ихтиёрида жами еттита ТHААD батареяси бор бўлиб, улардан иккитаси Исроил ҳудудида жойлаштирилган”, деди телеканал манбаси.

Комплексларнинг қисқа вақт ичида бундай интенсив қўлланилиши, экспертларнинг фикрига кўра, АҚШнинг стратегик захираларини таъминлаш ва тиклашда муаммоларни келтириб чиқарди.

2023 йилда АҚШ бор-йўғи 11 та ТHААD ушлагичини ишлаб чиқарган бўлса, жорий молиявий йилда яна 12 та ушлагич етказиб берилиши кутилмоқда.

ТHААD — Ер атмосферасида ҳам, ундан ташқарида ҳам полттнинг якуний қисмида қисқа, ўрта ва оралиқ масофали баллистик ракеталарни уриш ва йўқ қилишга қодир мобил тизим. Ҳар бир батареяга 95 нафар америкалик ҳарбий хизматчи хизмат кўрсатади. Ҳар бир батарея 6 та учириш мосламаси ва 48 та тутувчи ракета билан жиҳозланган.

Исроил 13 июнь кечаси Эронга зарбалар беришни бошлади. Уларнинг мақсади Теҳроннинг ядро ва ракета дастурлари билан боғлиқ объектлар эди. Бир суткадан камроқ вақт ўтиб, Эрон жавоб ҳужумини амалга оширди. 22 июнь кечаси АҚШ Қуролли кучлари Эроннинг учта ядровий объектига ҳужум қилди, 23 июнь кечқурун эса Теҳрон Қатардаги Яқин Шарқнинг энг йирик Ал-Удейд Америка ҳаво базасига ракета зарбалари берди. Кейинроқ АҚШ Президенти Дональд Трамп Исроил ва Эрон ўт очишни тўхтатиш режимига келишиб олганини маълум қилди. Бу келишув 24 июндан кучга кирди.