Ҳиндистонлик миллиардер ва Британия шаҳзодаси Уилямнинг кўп йиллик дўсти 53 ёшли Санжай Капур асалари ютиб юборгач, ўлимга олиб келган юрак хуружи туфайли вафот этди. Бу ҳақда Тhе Mirror газетаси хабар бермоқда.
Дунёдаги йирик автомобиль эҳтиёт қисмлари ишлаб чиқарувчи Сона Cомстар компанияси раиси ва тадбиркор 12 июнь куни Англияда бўлиб ўтган поло ўйини пайтида ҳушидан кетган. Капурнинг оғзини ари чақиши анафилактик шок ва юрак тўхташига сабаб бўлган.
Мутахассисларнинг таъкидлашича, асалариларнинг оғизни чақиши ўлимга олиб келиши мумкин, чунки бу тез шишиш, нафас йўлларининг тиқилиши ва қон босимининг кескин тушиб кетишига сабаб бўлади, натижада юрак тўхтаб қолади.
Таъкидланишича, Капурнинг вафоти аллақачон Британия юқори доираларида ҳам, Ҳиндистоннинг олий жамиятида ҳам ларзага солган. Капур мунтазам равишда поло мусобақаларида қатнашиб, Британия қироллик оиласи аъзолари билан тез-тез мулоқотда бўларди. У бутун Британия бўйлаб нуфузли ўйинларда иштирок этиб, қироллик оиласи аъзолари, жумладан 42 ёшли Уэлс шаҳзодаси билан ўйнашга таклиф қилинарди.
Илгари Капур Болливуд актрисаси Каришма Капурга уйланган бўлиб, уларнинг Самайра ва Kiaан исмли икки фарзанди бор эди. Эр-хотин 13 йиллик никоҳдан сўнг 2016 йилда ажрашган. Кейинчалик тадбиркор 2017 йилда собиқ ҳинд модели Прия Сачдевга уйланган.
Изоҳ (0)