10 июнь Сурия мамлакатнинг шимоли-ғарб қисмида автомобиль ва мотоциклга дрон зарбалари оқибатида 2 киши ҳалок бўлганини маълум қилди. Бу ҳақда Arab News хабар берди.
Идлиб минтақасидаги 2 та дрон ҳужуми учун жавобгарликни ҳеч ким бўйнига олмаган. Аммо Суриядаги АҚШ бошчилигидаги коалиция ўтмишда бу ҳудуддаги террорчиларга зарбалар берган.
2025 йил бошида Қўшма Штатлар бу ҳудудда “Ал-Қоида”нинг Суриядаги бўлинмаси “Хуррас Ад-Дин”нинг бир неча қўмондонини ўлдирганини маълум қилган эди.
Гуруҳ яқинда декабрь ойида Башар Асад ҳокимиятдан ағдарилганидан кейин исёнчилар тузган муваққат ҳукумат буйруғи билан тарқалиб кетаётганини маълум қилганди. АҚШ қўшинлари Сурияда “Даиш” гуруҳига қарши курашиш учун АҚШ бошчилигидаги коалиция таркибида жойлаштирилган. АҚШ мудофаа идораси ходими бундан хабардорлигини, аммо ўша пайтда “берадиган ҳеч нарсаси йўқлигини” айтганди.
Май ойида Ар-Риёдда бўлиб ўтган учрашувда АҚШ президенти Дональд Трамп суриялик ҳамкасби Аҳмад Аш-Шараъани Вашингтонга “Даиш”нинг қайта фаоллашувига йўл қўймасликка ёрдам беришга чақирганди.
Изоҳ (0)