Ғазо жанубидаги ёрдам тарқатиш марказида 7 июнь куни ғазоликлар Исроил ҳарбийлари томонидан ўққа тутилди. Оқибатда 6 киши ҳалок бўлди, яна бир неча киши жароҳатланди. Бу ҳақда BBC хабар берди.
Одамлар 7 июнь куни эрталаб озиқ-овқат олиш мақсадида ёрдам пунктига келганларида отишма юз берган. Гувоҳлардан бирига кўра, ғазоликлар воқеа жойига яқинлашмоқчи бўлганида исроилликлар уларга қарата ўт очган. Исроил ҳарбийлари уларга “таҳдидли тарзда яқинлашган гумонланувчиларга огоҳлантирувчи” ўқ узганини билдирган.
Шу ҳафтанинг ўзида ёрдам пунктларида ўнлаб фаластинликлар ҳалок бўлиб, юзлаб одамлар яраланган. АҚШ ва Исроил томонидан қўллаб-қувватланадиган Ғазо гуманитар жамғармаси кўп сонли оломон билан ишлаш ва хавфсизликни янада яхшилаш учун ўз фаолиятини тўхтатганини айтган.
Жамғарма 7 июнь куни ҲАМАСнинг тўғридан-тўғри таҳдидлари туфайли озиқ-овқат тарқата олмаганини маълум қилган. Гуруҳ эса буни рад этган.
Изоҳ (0)