Баъзилар папарацилар ва қизил йўлакларга тўла машҳурлик дунёсини танласа, бошқалар шов-шувсиз ҳаётни афзал кўради. Таниқли инсонларнинг оиласидаги бу одамлар “фалон актёрнинг қариндоши” деган иборадан воз кечган.
Леди Гаганинг синглиси — рассом ва дизайнер
Леди Гага ва ундан беш ёш кичик синглиси Натали Германотта ҳар доим яқин бўлишган. Натали болалигидан опасининг чиқишларига ҳамроҳ бўлган, кейинчалик эса хонанда либосларини яратишда иштирок этган. Улар иккаласи ҳам католик мактабида ўқишган. Гаганинг айтишича, айнан Натали унинг ноодатий услубини биринчи бўлиб қўллаб-қувватлаган.
Натали нуфузли дизайн мактабини тамомлаган ва ҳозирда костюмлар бўйича мутахассис сифатида ишлайди. У Born This Way вa Joanne гастрол турлари ҳамда Met Gala либосларининг ишлаб чиқилишида қатнашган. Аммо Натали оммавий ҳаётдан йироқ бўлишни маъқул кўради. Унга либослар чизмасидан тикилишигача бўлган жараён кўпроқ завқ бағишлайди.
Ҳозирда у Нью Йоркда яшайди, ўзининг кичик студиясини бошқаради ва мустақил брендлар ҳамда театр лойиҳалари билан ҳамкорлик қилади.
Жозеф Файнснинг эгизак укаси — ёввойи табиат қўриқчиси
Жозеф ва Жейкоб Файнс бир зиготали эгизаклар, улар атиги олти дақиқа фарқ билан туғилган. Жейкоб Норфок графлигидаги аристократ сер Никола Бейкон ерларида ёввойи табиат қўриқчиси сифатида ишлайди. У ов майдонларини парваришлайди, экотизимни назорат қилади ва ёввойи ҳайвонлар сонини мувозанатда сақлашга ҳаракат қилади.
Жейкобнинг ҳаёти тонгги барвақт уйғонишлар, далаларда юриш, экологлар билан ҳамкорликдан иборат. Жозеф укасининг бу танловини ҳурмат қилади ва “Мен кино оламига бордим, у эса ҳақиқий табиат қўйнига”, дейди актёр.
Элизабет Олсеннинг акаси — комикслар муаллифи
“Қасоскорлар” юлдузи Элизабет Олсендан етти ёш катта бўлган Трент Олсен ҳозирда 40 ёшда. У болалигида Мери Кейт ва Эшли Олсенга ҳамроҳлик қилиб фильмларда рол ўйнаган, лекин тез орада бу соҳа унга қизиқ эмаслигини тушунган.
Трент Жанубий Калифорния университетида инглиз адабиёти бўйича таҳсил олиб, сценарий ва комикс соҳасига кириб борган. У фантастика ва даҳшатли жанрларда ишлайдиган Storm King Productions студиясида фаолият юритади.
Элизабетнинг айтишича, акаси унга танқидий фикрлаш, эстетик дид ва ноодатий ҳикояларга қизиқишни ўргатган. У вақти-вақти билан оилавий суратларда ижтимоий тармоқларда кўриниш беради, лекин жамоатчилик эътиборидан узоқроқ бўлишни хоҳлайди.
Эмма Стоуннинг укаси — каскадёр ва қаҳрамон
Эмма Стоун ва актрисадан тўрт ёш кичик укаси Спенсер болалигидан жуда яқин бўлишган. Эмма кўп бора Спенсер ўзига ишонч ҳиссини берганини ва орзулар томон қўрқмай қадам босишни ўргатганини таъкидлаган.
Спенсер актёрлик ўрнига каскадёрликни танлаган. У фильмларда хавфли саҳналарни бажаради: баландликдан сакрашлар, қулашлар, олов ва бошқа саҳналар унинг кундалик ишидир.
2015 йилда Спенсер Амстердам—Париж йўналишидаги поездда содир бўлган террорчилик ҳаракатини тўхтатган. У қуролланган ҳужумчини зарарсизлантирган. Бунинг учун унга Франциянинг “Фахрий легион” ордени топширилган. Кейин эса ўша воқеаларга асосланган “Париж томон поезд” фильмида рол ўйнаган.
Билли Айлишнинг акаси — продюсер
Финнеас O’Коннелл Билли Айлишнинг акаси бўлиб, улар болалигидан бир хил соҳаларга қизиққан. Финнеас Билли Айлишнинг барча альбомларига продюсерлик қилган, жумладан, When We All Fall Asleep, Where Do We Go? альбоми учун улар бешта Гремми мукофотини қўлга киритган. Улар ўз уйлари ичида ташкил этилган студияда ишлайди. Финнеас фақат синглиси билан ишлаш билан чекланмайди: у Селена Гомес, Камила Кабелё учун ҳам қўшиқлар ёзган.
Изоҳ (0)