Россия ҳаво ҳужуми мудофаа тизимлари 27 ва 28 июнь кунлари Украинанинг 31 та самолёт типидаги дронларини уриб туширди. Бу ҳақда Россия Мудофаа вазирлиги матбуот хизматига таяниб, Anadolu хабар берди.
Вазирлик ҳисоботига кўра, Қрим Республикаси ҳудудида 9 та, Брянск вилояти ҳудудида 6 та, Смоленск вилоятида 5 та, Қора денгиз устида 5 та, Азов денгизи сувлари устида 2 та, Орёл вилояти ҳудудида 1 та, Белгород вилояти ҳудудида 1 та, Калуга вилояти ҳудудида 1 та ва Краснодар вилояти ҳудуди устида 1 та учувчисиз учиш аппарати яъни дронлар уриб туширилган.
Олдинроқ Россия ҳарбийлари 18 майга ўтар кечаси Украинага рекорд даражада 273 та дрон учирганди. Улардан атиги 88 тасини уриб туширилган.
Маълум қилинишича, дронларнинг 128 таси имитатор бўлиб чиққан. Бу уруш давомида Украина ҳудудига бир кеча-кундузда учирилган рекорд миқдордаги дрон саналган. Бундан олдин энг йирик ҳужум 2025 йил 23 февралга ўтар кечаси бўлган эди. Ўшанда Россия ҳарбийлари 267 та дрондан фойдаланган.
Изоҳ (0)