Шон-шуҳрат юки: машҳур бўлишни хоҳламайдиган юлдузлар

Лорд — 16 ёшида келган шуҳрат ва узоқ танаффуслар

У ўқишни битираётган пайтида машҳурликка эришди. Лорд мусиқий оламга шиддат билан кириб, “Гремми” мукофотини қўлга киритди ва катта мухлислар армиясига эга бўлди. Янги Зеландиядан чиққан қиз дунёдаги энг нуфузли ўспиринлардан бири деб тан олинди, барча мода журналларининг муқовалари учун суратга тушди, “Ҳаёт мамот” ўйинлари учун мусиқа ёзди ва танаффус қилишни бошлади.

Юлдуз учун альбомлар орасидаги узоқ танаффуслар — 3-4 йил одатий ҳолат, шунингдек, у деярли ижтимоий тармоқларда фаол эмас. 2025 йил ёзида Лорд янги, очиқ ва самимий альбом чиқарди. Санъаткор бу альбомда овқатланиш тартиби бузилиши ва ўзлигини излаш каби шахсий муаммолари ҳақида очиқ гапиришини тан олди.

Билли Айлиш машҳурликдан қочиш истаги

Билли Айлиш ёшлигидан дунёга танилган яна бир юлдузлардан бири. У 18 ёшида “Гремми”га бир неча марта номзод бўлди, “Оскар“да чиқиш қилди ва Жеймс Бонд ҳақидаги янги фильмга мусиқа ёзди.

Билли ҳеч қачон ўзининг руҳий муаммоларини яширмади, машҳурликка эришган бўлса-да, ўзини бахтсиз, ёлғиз ва дунёдан узилиб қолгандек ҳис қилган. 2018 йилда у ўзининг депрессияси ҳақида гапирди — машҳурлик унинг учун катта синов бўлди. Бу пайтда Билли кўплаб дўстларини йўқотди, чунки ҳамма унинг янги суперюлдуз мақомига мослаша олмади.

Ҳозирги кунда Билли ўз устида ишлашнинг узун йўлини босиб ўтди: у ҳаётда омади чопганини тан олса-да, “машҳурликнинг кўп нохуш томонлари бор”лигини ҳам айтади. Доимий миш-мишлар ва унинг сўзларини контекстдан юлиб олиб, талқин қилиниши шулар жумласидандир. Билли ҳанузгача кўздан йироқ бўлиб, машҳурликдан воз кечиш истаги уни тарк этмаганини айтади.

Рианна— саҳна ўрнига бизнес ва она бўлиш

Рианна ҳануз жаҳон эстрадаги оламида ёрқин юлдуз бўлиб порлаяпти, бироқ унинг истеъдоди фақат мусиқа билан чекланмайди. Юлдуз шоу-бизнесдаги энг бой аёллардан бири сифатида танилган: фақатгина косметика ишлаб чиқариши Forbes маълумотларига кўра унга 1,4 миллиард доллар даромад келтирди. Рианна кўп вақтини оиласига бағишлайди — у яқин кунларда учинчи марта она бўлади. Рианна энди мусиқани устувор деб ҳисобламайди: унинг асосий даромади косметика бизнесидан келади ва кўп фарзандли онада ижодий мақсадлар йўқ.

Ҳар бир шон-шарафни орзу қилган артист олдинда нима кутаётганини тушунмаслиги мумкин. Ахир машҳурлик фақат саҳна чироқлари ва катта мукофотлар эмас. Бу, шунингдек, босим, танқид ва нафрат ҳам. Шунинг учун кўплаб юлдузлар ўзларининг оммавийлигини назорат қилишга ҳаракат қилади ва янги соҳаларни топади.