Туркияда мухолифатдаги Анталия, Адана ва Адияман шаҳарларининг мери Муҳиттин Бўжек, Зейдан Каралар ва Абдурраҳмон Тутдер коррупция айблови билан ҳибсга олинди. Бу ҳақда Deutsche Welle хабар берди.
Бўжек билан бирга унинг ўғли ҳам қамоққа олинган. Аданада сиёсатчиларнинг ҳибсга олинишига қарши намойишлар бўлиб ўтган. Улар Туркия президенти Ражаб Тоййиб Эрдўғон ҳамда унинг ҳукуматининг истеъфосини талаб қилгани айтилмоқда.
Суд тизимидан сиёсий ўч олиш қуроли сифатида фойдаланадиганлар қонун ҳақида эмас, балки ўз ҳокимиятини ҳимоя қилиш ҳақида қайғуради. Биз халқ иродасига зарба берадиган бу тизимга ҳеч қачон бўйсунмаймиз, деди Халқ демократияси раиси Бурханеттин Булут.
Истанбул собиқ мерининг ҳибсга олиниши
Туркиянинг энг йирик мухолифат партияси вакилларини ҳибсга олиш март ойида Истанбул собиқ мери Акром Имомўғли қўлга олинганидан кейин давом этмоқда, у шаҳар бош прокурорига нисбатан ҳақорат ва таҳдид қилишда айбланмоқда. Ушбу иш бўйича собиқ шаҳар ҳокими етти йил-у тўрт ойгача озодликдан маҳрум этилиши мумкин.
Туркия президенти Ражаб Тоййиб Эрдўғоннинг асосий сиёсий рақиби ҳисобланган Акром Имомўғли порахўрлик ва жиноий ташкилотга раҳбарлик қилишда гумонланиб ушланди, кейин эса ҳибсга олинди. Туркиянинг Anadolu давлат агентлиги сиёсатчига нисбатан террорчилик иши бўйича тергов олиб борилаётганини маълум қилди. Хусусан, у Туркияда тақиқланган Курдистон ишчилар партиясини қўллаб-қувватлаганликда айбланмоқда.
Изоҳ (0)