Давлат хизматчилари ва давлат улуши бор ташкилотлар ходимлари қамоқхоналарга олиб борилиб, маҳбусларнинг камералари, тергов хоналари ва маҳкумларнинг сайр қилиш жойларини кўздан кечирмоқдалар. Бу ҳақда Қозоғистон Республикаси Коррупцияга қарши курашиш агентлигининг расмий вакили Дониёр Биғайдаров маълум қилди.
Коррупция оқибатларини акс эттирувчи “шок терапияси” кўринишидаги бундай профилактик тадбирда 2 510 нафар давлат хизматчиси иштирок этган.
Биғайдаровнинг сўзларига кўра, жазони ижро этиш муассасаларига давлат органлари раҳбарлари, туман ҳокимлари ва уларнинг ўринбосарлари, шунингдек, турли босқичдаги ҳокимликлар аппарати бошқармалари ва бўлимлари раҳбарлари олиб борилган.
“Бу усуллар билан биз давлат хизматчиларини қўрқитишни мақсад қилмаганмиз. Асосий ғоя - ҳар бир давлат сектори ходими коррупцияга оид ҳуқуқбузарликларнинг оқибатлари ҳақида тасаввурга эга бўлиши, қонунни бузган тақдирда уни нима кутаётганини англатиш”, дейди Антикоррупция агентлиги вакили.
Изоҳ (0)