Аргентина ҳукумати Америкадаги элчихонага 15 мингдан ортиқ футбол мухлисининг рўйхатини топширди. Улар 15 июндан 13 июлгача АҚШда бўлиб ўтадиган Клублар ўртасидаги Жаҳон чемпионати ўйинларига киритилмайди.
Рўйхатда 15 мингдан кўп шахс бор. Бу биз учун жуда муҳим: Аргентинадаги стадионларда зўравонлик ёки ҳуқуқбузарлик содир этган ҳамма мухлис турнирга бора олмайди, дейди мамлакат хавфсизлик вазири Патрисия Булрих ESPN нашрига берган интервьюсида.
Мазкур рўйхат “Хавфсиз трибуна” (Tribuna Segura) дастури доирасида тузилган. Ушбу тизим Аргентина стадионларига кириши тақиқланган шахсларни аниқлаш билан шуғулланади.
Дастур доирасида 1328 та ўйинда 4 миллиондан ортиқ мухлис текширилди. Натижада 1166 нафар шахс учрашувлар давомида тартиббузарлик қилган бўлиб, айримлари 40 дан ортиқ маъмурий қарор асосида стадионга кириши тақиқлангани аниқланди, дея қўшимча қилди Булрих
Маълумот учун, турнирда 32 та клуб иштирокчи орасида Аргентинанинг “Бока Хуниорс” ва “Ривер Плейт” ҳам бор.
Изоҳ (0)