10 та четлатиш ва муддатидан аввал тугатилган ўйин. «Бока Хуниорс» ва «Расинг» ўртасидаги Суперкубок баҳси охирига етмай тўхтатилди

Аргентинанинг «Бокс Хуниорс» ва «Расинг» жамоалари ўртасида Чемпионлар кубоги ўйини бўлиб ўтди.

Учрашув кескин ўйин ва тортишувларга бой бўлди. Натижада «Бока Хуниорс»нинг етти футболчиси (беш нафар майдондаги ва икки нафар захирадагилар), шунингдек, бош мураббийига қизил карточка кўрсатилган. Шу боис ҳакам ўйинни муддатидан аввал тугатишга мажбур бўлган.

«Расинг»нинг ҳам уч нафар футболчиси четлатилган. Шу тариқа бир ўйинда 10 нафар футболчи ва бир мураббий қизил карточка олган.

Ўйин «Расинг»нинг 2:1 ҳисобидаги ғалабаси билан якунланган. Ҳакам ўйинни тўхтатган вақтда иккинчи «овер тайм»га қўшиб берилган дақиқалар ўтиб бораётганди.

Чемпионлар Кубоги Аргентина чемпионати ғолиби ва Профессионал Лига кубоги соҳиби ўртасида ўтказиб келинади. «Бока Хуниорс» ҳар икки мусобақада ҳам ғолиб чиққани боис иккинчи финалчи номи «Расинг» ва «Тигре» жамоалар ўртасидаги ўтиш ўйинидан кейин аниқ бўлганди.