Биз фильм ва сериалларни фақат сюжет учунгина эмас, балки ажойиб либослари учун ҳам яхши кўрамиз. Аммо бундай образлар актёрлар учун синовга айланишини кўпчилик билмайди: нафас олиш қийин бўлган корсетлар, соатлаб вақт талаб қиладиган грим ёки бировнинг ёрдамисиз ечиб бўлмайдиган суперқаҳрамонлик либослари.
Том Ҳолланд ва Ўргимчак одам костюми
Актёр Том Ҳолланд Ўргимчак одам ролини ижро этганида, костюмидаги муаммолар ҳақида шундай дейди:
Мен замок ўрнатишни сўрадим, аммо улар буни қилишмади. Кейин улар совитиш учун кичик вентиляторлар ўрнатганликларини фахр билан айтишди. Аслида улар фақат бир марта ишлади, холос. Шлемнинг батареялари бор эди, лекин улар бошни янада кўпроқ қиздирарди. Кўз косаси остида кичик тешикча бўлиб, у орқали найчани киритиш ва костюмни ечмасдан сув ичиш мумкин эди, чунки кийимни ечиб-кийиш жуда кўп вақт оларди.
Жим Керри Гринч ролида
Грем Нортон шоусининг бир сонида Жим Керри “Гринч — Рождество ўғриси” фильмини суратга олиш жараёни унга қанчалик оғир бўлганини сўзлаб берди. Актёрнинг айтишича, биринчи куни грим 8,5 соат давом этган. У ролидан воз кечмоқчи бўлган, аммо продюсер Брайан Грэйзер ғайриоддий ечим топади: у ходимларни чидамлиликка ўргатадиган мутахассис ёллайди. Шу тариқа Керри унинг ёрдамида суратга олишни якунлайди. Натижада бу фильм машҳур Рождество фильмлари рўйхатидан жой олди.
Вал Килмер ва Бетмен костюми
“Вал” ҳужжатли фильмида актёр Вал Килмер “Бетмен абадий” фильмида суратга тушиш жараёни ўйлаганидек осон бўлмаганини тан олади. Суперқаҳрамоннинг либоси шунчалик қаттиқ ва ноқулайлик туғдирардики, Килмер ўтириш ёки туришда ҳам ёрдамга муҳтож бўларди. Либоснинг тузилиши туфайли у атрофдагиларнинг гапларини деярли эшитмасди.
Скарлетт Йоханссон ва Қора бева костюми
Актрисанинг айтишича, у кийишга мажбур бўлган суперқаҳрамон либоси кўпроқ гидрокостюмга ўхшарди. Суратга олиш майдонидаги жазирама иссиқ туфайли Скарлетт Йоханссоннинг аҳволи шу қадар ёмонлашадики, у ҳатто галлюцинацияларни кўра бошлади. Тор либосига ўрнатилган кондиционер Крис Хемсвортдан фарқли ўлароқ, Йоханссоннинг бундай қулайликка имкони йўқ эди — кун охирида у ҳатто пайпоқларини сиқиб қуритишга мажбур бўларди.
Рян Рейнолдс ва Яшил чироқ костюми
Яшил чироқнинг ажойиб костюми компьютер графикаси ёрдамида яратилган бўлса-да, суратга олиш пайтида Райан Рейнолдс ҳаракатларни қайд этиш учун махсус комбинезон кийган. Актёрнинг айтишича, бу комбинезон азоб-уқубатнинг ўзгинаси эди.
У нимадан ясалганини билмайман, лекин бу дунёдаги энг иссиқлик ўтказувчи материал бўлса керак, деб эслайди Райан.
Бунинг устига, суратга олиш ишлари олиб борилаётган Янги Орлеанда ўша пайтда ҳаво жуда дим эди.
Кира Найтли ва Сабе костюми
Кира Найтли “Юлдузлар жанги” франшизасида суратга тушганида жуда ёш эди. Машҳур актрисанинг айтишича, суратга олиш майдонидаги воқеаларни деярли эслай олмайди, бироқ либоси умрбод эсида қолган.
Бош кийимим шу қадар оғир эдики, бошим қаттиқ оғрирди. Ўшанда ҳушимдан кетиб қолганман. Ҳатто ҳозир ҳам ўша оғриқни ҳис қилаётгандекман, дейди актриса.
Изоҳ (0)