Қўшма Штатларнинг Ф/А-18 Супер Hornet қирувчи самолёти Қизил денгизга қулаб тушди. Бу ҳақда АҚШ ҳарбий денгиз кучлари баёнот берди.
Ҳодиса USS Ҳаррй С. Труман авиаташувчиси бортида юз берган. Маълум қилинишича, кема Яман ҳусийлари томонидан учирилган ракета ва дронларга чап бериш учун манёврга киришган. Натижада ангарда сақланаётган Ф/А-18Э Супер Hornet самолёти ҳамда тортувчи техника назоратдан чиқиб, денгизга қулаган. Ҳарбийлар ўз жонини сақлаб қолган. Фақат бир киши енгил жароҳатланди.
CNN билан суҳбатлашган АҚШ расмийси самолёт бутунлай сув остига чўкканини тасдиқлади. Ф/А-18Э Супер Hornet қирувчиларининг ҳар бири 60 миллион АҚШ долларига баҳоланади.
USS Ҳаррй С. Труман Nimitz синфидаги авиаташувчи бўлиб, дунёнинг энг йирик кемаларидан бири ҳисобланади. Қўшма Штатлар уни Яман ҳусийларига қарши туриш учун Қизил денгизга жойлаштирган.
Эътиборлиси, кема Қизил денгизда миссия бошлаганидан буён иккита Ф/А-18 Супер Hornet қирувчисидан айрилди. Аввалроқ 2024 йилнинг 22 декабрь куни самолётлардан бири USS Геттйсбург ракета крейсери томонидан “дўстона отишма” натижасида уриб туширилганди.
Изоҳ (0)