Саида Мирзиёева 18 март куни Қозоғистонда Ўрол Тансиқбоев ретроспектив кўргазмаси очилишида иштирок этди.
“Кеча Ўзбекистон Маданият ва санъатни ривожлантириш жамғармаси, Абилхон Қастеев номидаги Давлат санъат музейи ва мамлакатимиз музейлари билан биргаликда ўзбек тасвирий санъатининг тимсолларидан бирига айланган рассом Ўрол Тансиқбоевнинг ретроспектив кўргазмасини очдик. Ушбу ноёб кўргазма мусаввирнинг шаклланиш эволюциясини — илк тажриба чизгиларидан то мукаммал пейзаж асарларигача кузатиш имконини беради”, деб ёзди президент ёрдамчиси.
Олмаотадаги музейда бўлиб ўтаётган кўргазма Ўрол Тансиқбоевнинг сўнгги 40 йил давомидаги илк кенг кўламли кўргазмасидир. У 19 мартдан 1 июнгача давом этади. Экспозицияда Ўзбекистон ва Қозоғистон музейлари сара тўпламларига мансуб, моҳир уста ижод йўлининг барча босқичларини қамраб олган 78 та асар тақдим этилмоқда.
--QwVlzNR.avif)
“Умид қиламанки, ушбу кўргазма маданий алоқаларимизни янада мустаҳкамлайди”, деб таъкидлади Саида Мирзиёева.
Кўргазма очилишидан лавҳалар
-EwcwIhSV.avif)
-VTHolb8z.avif)
Ўрол Тансиқбоев ҳақида
Ўрол Тансиқбоев (1904—1974) манзарачи рассом, рангтасвир устаси. 1994 йилда Ўзбекистон халқ рассоми унвонини олган. Монументал санъатда тарихий, маиший ва портрет жанрларида асарлар яратди. Ғарбий Европа янги санъати, Мексика монументал рассомлари ижоди, Ўрта Осиё деворий рассомлиги ва миниатюра санъати услубларини ўрганди ва шулар таъсирида ижод қилди.
Унинг асарлари республика ва хорижий мамлакатлар музейларида сақланади. Рассом 1967—74 йилларда яшаган уйи Тансиқбоев уймузейига айлантирилган (1981 йил). Унда ижодий устахона, меҳмонхона ва бошқа хоналар бўлиб, кўплаб ҳужжатли архив материаллари, рассомнинг кўргазмаларда намойиш қилинган машҳур асарлари сақланади.
Ўрол Тансиқбоев Ҳамза номидаги Ўзбекистон давлат мукофоти лауреати (1973 йил). Вафотидан сўнг “Буюк хизматлари учун” ордени билан мукофотланган (2001 йил).
Изоҳ (0)