Футбол бўйича Жаҳон чемпионати саралаш учрашувлари 8-тури доирасида Ўзбекистон терма жамоаси Эронга қарши баҳс олиб борди. Унда Темур Кападзе шогирдлари 2:2 ҳисобида дуранг ўйнади ва ўз ҳисобига 1 очко ёздириб қўйди.
Ушбу учрашувдан кейин Ўзбекистон FIFA рейтинги учун 4,78 баллни қўлга киритди ва ўз ҳисобидаги очколар сонини 1436,78 тага етказиб олди. Ҳозирча жамоа онлайн FIFA рейтингида 1 поғона юқорилаб, 57-ўринга жойлашди. Апрель ойи рейтингида Ўзбекистон қайси ўринларда бўлиши барча қитъалардаги халқаро учрашувлар якунлангач аниқ бўлади.
Март ойидаги йиғинда Осиё терма жамоалари орасида Ироқ 29,47 очко йўқотиб, 56-ўриндан 59-поғонага тушиб кетди. Ўзбекистон эса икки ўйин натижасига кўра, 11,86 балл тўплади ва қитъадаги энг кучли 6 жамоа қаторига кириб олди.
Эслатиб ўтамиз, Ўзбекистон Жаҳон чемпионати саралашидаги навбатдаги ўйинни 5 июнь куни сафарда БААга қарши ўтказади.
Изоҳ (0)