Ўзбекистонда 23 январь куни ҳарорат яна пасаяди

“Ўзгидромет” 23 январь, пайшанба куни учун об-ҳаво прогнозини эълон қилди.  Унга кўра, ҳарорат бундан бир кун аввалги кўрсаткичга нисбатан пасаяди.

Тошкент шаҳрида ҳаво бир оз булутли бўлади, кечаси вақти-вақти билан қор ёғади, туман тушиши мумкин. Кундузи ёғингарчилик кутилмайди. Шамол шарқдан 5-10 метр/секунд тезликда.

• Ҳарорат кечаси 3-5 даража совуқ, кундузи 1 даража совуқ —1 даража илиқ бўлади.

Қорақалпоғистон Республикаси, Хоразм вилоятида ҳаво бир оз булутли бўлади, ёғингарчилик кутилмайди. Айрим жойларга туман тушиши мумкин. Шамол шарқдан 7-12 метр/секунд тезликда эсади, баъзи жойларда 13-18 метр/секундгача кучайиши мумкун.

• Ҳарорат кечаси 8-13 даража совуқ, кундузи 0-5 даража совуқ бўлади.

Бухоро ва Навоий вилоятларида ҳаво бир оз булутли бўлади, ёғингарчилик кутилмайди. Баъзи жойларга туман тушиши мумкин. Шамол шарқдан 7-12 метр/секунд тезликда эсади, баъзи жойларда 13-18 метр/секундгача кучайиши мумкун.

• Ҳарорат кечаси 5-10 даража совуқ, кундузи 2 даража совуқ — 3 даража илиқ бўлади.

Тошкент, Сирдарё, Самарқанд, Жиззах вилоятларида ҳаво бир оз булутли бўлади, кечаси ва кундузи баъзи жойларда қор ёғади. Баъзи жойларга туман тушиши мумкин. Шамол шарқдан 7-12 метр/секунд тезликда эсади.

• Ҳарорат кечаси 2-7 даража совуқ, кундузи 2 даража совуқ — 3 даража илиқ бўлади.

Қашқадарё, Сурхондарё вилоятларида ҳаво бир оз булутли бўлади, ёғингарчилик кутилмайди. Айрим жойларга туман тушиши мумкин. Шамол шарқдан 7-12 метр/секунд тезликда эсади.

• Ҳарорат кечаси 0-5 даража совуқ, кундузи 3-8 даража илиқ бўлади.

Андижон, Наманган, Фарғона вилоятларида ҳаво бир оз булутли бўлади, кечаси баъзи жойларда қор ёғиши мумкун. Баъзи жойларга туман тушиши мумкин. Шамол шарқдан 7-12 метр/секунд тезликда эсади, баъзи жойларда 13-18 метр/секундгача кучайиши мумкун.

• Ҳарорат кечаси 0-5 даража совуқ, кундузи 2 даража совуқ — 3 даража илиқ, бўлади.

Республиканинг тоғолди ва тоғли ҳудудларида ҳаво бир оз булутли бўлади, баъзи жойларда қор ёғади, туман тушиши мумкин. Тошкент ва Наманган вилоятларининг тоғли ҳудудларида қор кўчиш хавфи бор. Шамол шарқдан 7-12 метр/секунд тезликда эсади, баъзи жойларда 13-18 метр/секундгача кучайиши мумкун.

• Ҳарорат кечаси 10-15 даража совуқ, кундузи 5-10 даража совуқ бўлади.

21 январь, чоршанба куни мамлакат ҳудудига Волга бўйидан нам ва совуқ ҳаво массалари кириб келганди. Қатор ҳудудларда ёмғир ёғиб, қорга айланди.