Қозоғистон Мудофаа вазирлиги етти нафар ҳарбий қимор ўйнагани учун Қуролли кучлар сафидан четлатилганини маълум қилди. Бу ҳақда вазирликнинг ҳарбий полиция бош бошқармаси ходими Ертай Ералин маълум қилди.
Ералинга кўра, қимор ўйинларига мойил ҳарбийларни армиядан четлатиш бўйича қонуний чекловлар 2024 йил 9 сентябрда кучга кирган. Ҳозирда ҳарбий хизматчиларни аниқлаш бўйича иш олиб борилмоқда.
Шу боис, ҳозирдан бошлаб, агар шундай ҳарбийлар аниқланса, уларга нисбатан четлатишгача бўлган чора кўрилади. Доимий равишда махсус тадбирлар ва профилактика чоралари ўтказилади. Бу йил қимор ўйинлари билан боғлиқ ўз жонига қасд қилиш ҳолатлари бўлмаган. 7 нафар ҳарбий хизматчи қимор ўйинларида иштирок этгани учун Қуролли кучлар сафидан бўшатилган, деди Мудофаа вазири вакили Ертай Ералин.
Қозоғистонлик депутат Константин Авершин аввалроқ аскарлар лудомания (пул тикиладиган ўйинларга мойиллик) туфайли қариндошларидан пул сўраётганини айтган эди.
Ҳақиқатан ҳам, лудомания деб аталадиган катта муаммо мавжуд. Ҳозирда ҳар бир гаджет ва қурилма орқали бизда онлайн-казиноларга рухсат берилган. Биз қабул қилган “Лудомания” тўғрисидаги қонун катта қийинчиликлар билан ўтди, ҳатто Мажлис депутатларига жисмоний зўравонлик билан таҳдид қилишгача бўлган қаршиликлар кузатилди. Шунинг учун бу муаммони жуда комплекс тарзда кўриб чиқиш лозим.
Аслида, биз бир нечта ҳарбий хизматчиларни текширдик. Уларнинг ота-оналаридан олинган маълумотларга кўра, улар доимий равишда пул сўраган. Текшириб кўрдик, қараб чиқдик: ҳарбий қисмларда товламачилик ҳолатлари бўлмаган. Аммо жуда чуқур боғлиқлик, яъни лудомания ҳолатлари кузатилди, деган эди депутат.
Изоҳ (0)