Қозоғистон ҳарбийлари Исроил ва Суриянинг баҳсли ҳудуди ҳисобланган Голан тепаликларига боради. Бу ҳақда “Zakon.kz” хабар берди.
Қозоғистон Мудофаа вазирлиги тинчликпарвар кучлар Голан тепаликларига жўнаб кетишга ҳозирлик кўраётганини маълум қилди. БМТ Қозоғистонга илк бор тинчликпарвар миссиясини мустақил жойлаштириш ва амалга ошириш учун мандат берган.
Қозоғистон контингенти 139 нафар ҳарбий хизматчидан иборат бўлиб, улар БМТ миссияси мандатига мувофиқ урушаётган томонлар ўртасида ўт очишни тўхтатиш режимини сақлаш бўйича вазифаларни бажаради.
Тинчликпарвар миссиясини бажараётганлар ойликнинг уч баравари миқдорида маош олади. Бундан ташқари, уларга БМТ бюджетидан ҳар ой 1448 доллардан кўпроқ маблағ (бу 650 минг тенгедан бир оз кўпроқ) берилади.
- 16 йил давомида 600 дан ортиқ қозоғистонлик ҳарбийлар БМТнинг Осиё, Яқин Шарқ ва Африкадаги еттита тинчликпарвар миссияларида қатнашган.
- Ҳозирда 19 нафар қозоғистонлик ҳарбий хизматчи БМТнинг Ливан, Ғарбий Саҳройи Кабир, Конго Демократик Республикаси ва Марказий Африкада тинчликпарвар миссиялари таркибида хизмат қилмоқда.
Изоҳ (0)