Адлия катта маслаҳатчиси Абдуқаҳҳор Муллажонов Навоий вилояти прокурори лавозимига тайинланди. Бу ҳақда Бош прокуратура матбуот хизмати хабар берди.
Тайинловга қадар у 2023 йил сентябридан буён Тошкент вилояти прокурорининг биринчи ўринбосари лавозимида ишлаган.
Абдуқаҳҳор Муллажонов прокуратура органларидаги иш фаолиятини 2002 йилда Мирзо Улуғбек туман прокуратурасида бошлаган. 2004 йилдан бошлаб, Тошкент шаҳар прокуратураси бўлими катта терговчиси, Сергели туман прокурори, Бектемир туман прокурори лавозимларида фаолият юритган.
2018 йил июлидан Бош прокуратура вояга етмаганлар бўйича қонунчилик ижроси устидан назорат бошқармаси бошлиғи лавозимида, 2021 йил апрелидан Сирдарё вилояти прокурорининг ўринбосари лавозимида ишлаган.
2023 йил август ойидан Тошкент вилоятига прокурорлик қилган Сирожиддин Эшқувватов 2024 йил сентябрида Қурилиш ва уй-жой коммунал хўжалиги соҳасида назорат қилиш инспекцияси раҳбари лавозимига ўтказилгач, Тошкент вилояти прокурори вазифаларини амалда вилоят прокурорининг биринчи ўринбосари бўлган Абдуқаҳҳор Муллажонов бажариб келган.
2025 йил 5 март куни Навоий вилояти прокурори вазифасида ишлаган Азамат Мирзаев Тошкент вилояти прокурори этиб тайинланди.
Изоҳ (0)