Abduqahhor Fayzulloyevich Mullajonov Sirdaryo viloyati prokurorining o‘rinbosari etib tayinlandi. Bu haqda Sirdaryo viloyati hokimligiga tayanib, “Xabar.uz” xabar bermoqda.
Ma’lum qilishlaricha, Abduqahhor Mullajonov ushbu tayinlovga qadar Bosh prokuraturaning Voyaga yetmaganlar haqidagi qonunchilik ijrosi ustidan nazorat boshqarmasi boshlig‘i lavozimida ishlab kelayotgan edi.
Abduqahhor Mullajonov 2018-yil iyulida Bosh prokuratura boshqarma boshlig‘i lavozimiga tayinlangan edi. Bungacha u Bektemir tuman prokurori, Sergeli tumani prokurori lavozimlarida, Toshkent shahar va Mirzo Ulug‘bek tuman prokuraturasida turli lavozimlarda ishlagan.
Ma’lumot uchun, Abduqahhor Mullajonov 1976-yili Fayzulla Mullajonov oilasi tavallud topgan. Fayzulla Mullajonov 1991-yil — O‘zbekiston mustaqillikka erishgan vaqtdan to 2017-yil mayigacha — vafotiga qadar O‘zbekiston Markaziy bankiga rahbarlik qilgan.
Izoh (0)