Ички ишлар вазирининг буйруғига асосан полковник Санжар Джабаров Андижон вилояти Ички ишлар бошқармаси бошлиғи лавозимига тайинланди. Бу ҳақда вазирлик матбуот хизмати хабар берди.
Тайинловга қадар Санжар Джабаров 2022 йил октябридан буён Сирдарё вилояти Ички ишлар бошқармаси бошлиғи лавозимида ишлаб келаётганди.
Андижон вилояти Ички ишлар бошқармасига 2021 йил март ойидан буён полковник Аюбхон Раҳматуллаев раҳбарлик қилаётганди. У 2025 йил 11 март куни ички ишлар вазирининг биринчи ўринбосари лавозимига тайинланди.
15 март куни Хоразм вилояти ИИБга ҳам янги бошлиқ тайинланганди. Ушбу лавозимни Тошкент шаҳар Юнусобод тумани ички ишлар фаолиятини мувофиқлаштириш бошқармаси бошлиғи лавозимида фаолият юритиб келган Абдумажид Шермуҳамедов эгаллади.
Изоҳ (0)