Хитой 2030 йилгача ҳавони карбонат ангидрид чиқиндиларидан максимал тозалаш ва 2060 йилга келиб углерод нейтраллигига эришиш бўйича йирик лойиҳалар устида ишламоқда. Бу ҳақда Reuters хабар берди.
Дунёнинг иккинчи йирик иқтисодиёти бўлган Хитойда атмосферадаги иссиқхона газлари миқдори юқори. Шу сабабли мамлакатда денгиз шамол станцияларини кенгайтириш ҳамда қишлоқ ҳудудларида “янги энергия базалари”ни кўпайтириш масалалари кўриб чиқилмоқда.
Тибетдаги Ярлунг Сангпо дарёсида гидроэнергетика иншооти қурилиши режалаштирилган. Бу Хитой учун кўплаб имкониятлар яраца-да, Ҳиндистон экологияси учун хавфлидир. Иншоот дарёнинг қуйи оқимларида сувнинг миқдори ва сифатига таъсир қилиши мумкин. Бу иккала мамлакат ўртасида экологик хавфсизлик масалаларини юзага келтиради.
Кўмир Хитойда асосий ёнилғи манбайи ҳисобланади. Шунинг учун, қазиб олинадиган ёнилғини қайта тикланувчи манбалар билан алмаштириш асосий муаммога айланган. Мамлакат 2024 йилда углерод интенсивлигини 18 фоизга камайтириш бўйича белгиланган беш йиллик мақсадга эриша олмаган.
“Хитойда қайта тикланадиган электр манбаларининг кўпайишига қарамасдан, энергия инқирозини бошдан кечирди”, дейди Пекиндаги Greenpeaceнинг глобал сиёсат бўйича маслаҳатчиси Яо Чже.
Изоҳ (0)