Xitoy 2030-yilgacha havoni karbonat angidrid chiqindilaridan maksimal tozalash va 2060-yilga kelib uglerod neytralligiga erishish bo‘yicha yirik loyihalar ustida ishlamoqda. Bu haqda Reuters xabar berdi.
Dunyoning ikkinchi yirik iqtisodiyoti bo‘lgan Xitoyda atmosferadagi issiqxona gazlari miqdori yuqori. Shu sababli mamlakatda dengiz shamol stansiyalarini kengaytirish hamda qishloq hududlarida “yangi energiya bazalari”ni ko‘paytirish masalalari ko‘rib chiqilmoqda.
Tibetdagi Yarlung Sangpo daryosida gidroenergetika inshooti qurilishi rejalashtirilgan. Bu Xitoy uchun ko‘plab imkoniyatlar yaratsa-da, Hindiston ekologiyasi uchun xavflidir. Inshoot daryoning quyi oqimlarida suvning miqdori va sifatiga ta’sir qilishi mumkin. Bu ikkala mamlakat o‘rtasida ekologik xavfsizlik masalalarini yuzaga keltiradi.
Ko‘mir Xitoyda asosiy yonilg‘i manbayi hisoblanadi. Shuning uchun, qazib olinadigan yonilg‘ini qayta tiklanuvchi manbalar bilan almashtirish asosiy muammoga aylangan. Mamlakat 2024-yilda uglerod intensivligini 18 foizga kamaytirish bo‘yicha belgilangan besh yillik maqsadga erisha olmagan.
“Xitoyda qayta tiklanadigan elektr manbalarining ko‘payishiga qaramasdan, energiya inqirozini boshdan kechirdi”, deydi Pekindagi Greenpeacening global siyosat bo‘yicha maslahatchisi Yao Chje.
Izoh (0)