Бу йил бутун дунёдаги, хусусан, Хитойдаги экстремал жазирамага глобал исиш жараёнларининг ривожланиши сабаб бўлди, деб тушунтирди Хитой Фанлар академияси Atmosфера физикаси институти кичик илмий ходими Вей Ке.
Жорий йилнинг ёзида кўплаб мамлакатларда рекорд даражадаги юқори ҳароратлар қайд этилди, бир қатор ҳудудларда сувдан фойдаланиш чекланди, кондиционерларнинг ишлаши туфайли электр энергияси истеъмоли ошди.
Аввалроқ Хитой метеорология бошқармаси Хитойда метеорологик кузатувлар бошланган вақтдан бери июль ойидаги рекорд даражадаги ҳарорат Шинжон-Уйғур автоном туманида қайд этилгани ҳақида хабар берган эди: у ерда 52,2 даража иссиқ кузатилган. 2017 йилдаги рекорд 1,6 даражага янгиланган.
“Шинжонда ҳаддан ташқари юқори ҳароратнинг юзага келиши нафақат қисқа муддатли синоптик вазият, балки узоқ муддатли иқлим исиши жараёни билан ҳам боғлиқ”, — деди Вей Ке.
“Узоқ истиқболга назар ташлайдиган бўлсак, глобал исиш жараёнлари ривожланишда давом этмоқда, ички ҳудудда ҳароратнинг ўсиши ўртача глобал кўрсаткичдан ошиб бормоқда. Бу экстремал иссиқлик частотаси ва интенсивлигининг ошишига олиб келди, шунингдек, жорий йилда Хитойда ва бутун дунёда тез-тез содир бўладиган экстремал иссиқлик ҳодисаларининг асосий сабаби ҳам шудир”, — деди у.
Изоҳ (0)